YESAYA 27:8 - Alkitab Singog In Mongondow Masa In Tanaa

⁸ Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YESAYA 27:8 Mawu Ofanana

AYUB 23:6

Degá umuran in Sia mopobayá in kawasa-Nea kon inakó? Diá! Notantú bidon kon indongogan-Neabí in singogku mita.

MAZMUR 103:14

Sin kinotaauan i Tuhan kon kita naa in pinomia nongkon onu, kinotoropan-Nea kon kita naa in tongábí ḷobud.

MAZMUR 103:9

Sia in diábí umuran mongguak, bo diábí mononoi in torú-Nea.

MAZMUR 38:1

Mazmur i Daud kon tungkuḷ in noposumba in kuruban tompoingat.

MAZMUR 6:1

Kon i itoi in mododondong. Takin ito-itog kecapi. Podudui kon dondong in waḷunea. Mazmur i Daud.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YESAYA 54:7

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 64:5

Iko in motomu kon intau inta motuḻid in gina bo inta nobiag podudui in ibog-Mu iko in sinumorú kon inami, táe kami in tantúbí nogaid kon dosa totuu kon nongkon dungkuḷpabímai kami in kotaḷá.

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 4:11

Wakutunea in moiangoibí intau in Yohuda bo intau in Yerusalem mokouḻí kon habar kon tompot mopatú nongkon padang gurun koyogotdon in mogirup mamagí kon i monia. Tompot tatua in deemanbí tompot biasamai inta tongá mopoḷayug in baḻeká,

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

OMBAḶ 3:31

Sin, ki Tuhan in diábí inta diá motarima kon i naton modapot in mononoi.

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

PETRUS 1 1:6

Tuamai moiko in musti mokoposanang kon gina, umpakabí tanaa mako moajarpa in gina, sin moiko in kinoantugan in noyagi-yagimai in totungkuḷ.