Biblia Todo Logo
Baibulo la pa intaneti

- Zotsatsa -




YESAYA 27:7 - Alkitab Singog In Mongondow Masa In Tanaa

7 Ki Tuhan in mohukum kon umat-Nea diábí ná kobogat in pohohukum-Nea kon bangusa mita inta nosaturu kon i monia. Sia in diábí moḻimod kon umat-Nea ná pinoḷoḻimod-Nea kon musung-Nea.

Onani mutuwo Koperani




YESAYA 27:7
17 Mawu Ofanana  

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”


Ki Allah inta motusi, sindar in Israel, in mobaḻíbí naonda bo dokot in tuḷú inta kon bonu in tosinggai momokak kon bayongan in yagi-yagi, nodapot in dogami mita.


Kon tungkuḷ in moḷoḷabungdon mosia in mopoangoi in inta mokoondok totok, táe naonda in modiugdon mobayag mosia in moinggamádon. Tuata in ukur in bayongan intau inta mogagow kon i naton.


Israel in kobuḻiandon in moḷoḷukadnea bo Damsyik kobuḻian in kinomerdekaannea. Intau in Siria inta ki agatnea in mobiag kon bonu in kaadaan mokooyá naonda bo intau in Israel. Akuoi, ki Tuhan Inta Totok in mokawasa, ain noguman.”


Intau in Asyur in modoḻiokbí aka mokodongog kon singog i Tuhan bo mokorasa kon hukuman-Nea inta mobogat.


Asyur in yopúonbí kon parang, táe deemanbí podoyon kon ropot in intau. Intau in Asyur in moḷaguibí nongkon tampat popoparangan, bo intau mita monia inta mongobagupa in baḻíon bobantung.


Datu monia in moḷagui takin ondok, bo itoi in tontaranea mita in totokdon in moitaḻikokog, dá taḷaandon monia in bandera mita in parang.” Ki Tuhan ain nosingog, ki Tuhan inta sinumba bo ihoromat pinongin nobogoi in kuruban payongon kon Yerusalem.


Naonda in pinoyoyompat-Ku kon Sodom bo Gomora takin ḻipú mita inta kon diugneamai, yo natua doman in poyoyompat-Ku kon Babel. Diá bidon tobatúmai in mogutun kon tua. Akuoi, ki Tuhan, ain nosingog.


Ki Tuhan in noguman, “Indoiaidon tontaní naonda in Akuoi in tanaa motuḻí kon Babel bo intaunea bayongan in aid moraat inta inaidan monia kon Yerusalem.


Naa in bontow in singog i Tuhan soaḷ bangusa in Asyur, “Mosia in kodaitandon in buí mongingguput kon bangusanea. Patong mita berhala inta kon bonu in kuil in dewanea, rimumudon-Kubí. Poḷoḷobongan kon bangusa in Asyur koyogot-Kudon sadiaan, sin mosia in diábí patus in mobiag!”


Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.


Titsatireni:

Zotsatsa


Zotsatsa