YESAYA 27:5 - Alkitab Singog In Mongondow Masa In Tanaa

⁵ Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 27:5 Mawu Ofanana

AYUB 22:21

Dá uḻe, Ayub, poyodamedon i Tuhan, sinbá mokouḻí in iko kon inta mopia. Aka aidanmu intua, notantú kon mokouḻíbí in iko kon kauntungan.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 25:4

Sin iko in mobaḻí poḷoḷaguian in intau mita inta moyangkó, nobaḻí tampat inta moaman kon intau inta bogá kon dodai in mororiga. Ikobí in pogogadopan aka oyúon in deḷang, pononiungan aka mopatú totok. Sin intau moromú monubu naonda bo deḷang kon sempo in uagat,

YESAYA 26:12

Tuhan, Iko in mopobaḻíbí kon inami mobiag motompia; bayongan inta inaidan nami, Ikobí in nopoaid kon inami.

YESAYA 42:19

Ki ine degá in mobilo-bilog nongkon Israel mogogundoi-Ku? Ki ine degá in mobongom-bongoḷ nongkon totabá-Ku?

YESAYA 45:24

Intau mita inta noguman, ‘Koadilan bo ropot in tongábí nongkon i Tuhan!’ Bayongan in intau inta doí kon i-Nakó in mamangoibí kon i-Nakó bo mooyá.

YESAYA 56:2

Barakatan-Ku in intau inta moḷukad kon singgai in Sabat bo diá noponajis in singgai tatua. Intau inta diá nogaid kon inta moraat in pomiaan-Ku kopiaan.”

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

LUKAS 14:32

Aka korasaanmai bo diá mokomampu, yo tantú wakutu in saturu noyayúpa yo sia muna bidon mopotabá kon intaunea bo moguman kon moyodamedon.

LUKAS 19:42

Bo poḷat nosingog, “Kaasí uḻe, mopiadon totok aka singgai in naa bo kotaauanmudon in onu inta motaau mokopoangoi kon dodamean! Táe tanaa iko in diábí mokoontong.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

YOSUA 10:6

Intau mita in Gibeon nopotaau in habar tanaa kon i Yosua inta kon pinononḷoḷaigan kon Gilgal, “Dika pomayá mako in kami tontaní, Tuang! Ḷagidon angoi bantungai in kami, sin tontara nongkon bayongan datu in Amori kon buḷud ain noyodondon sin monubu kon inami!”