YESAYA 27:4 - Alkitab Singog In Mongondow Masa In Tanaa

⁴ Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 27:4 Mawu Ofanana

SAMUEL 2 23:6

Táe intau inta diá motoindudui kon i Tuhan naonda bo dugi inta pinogambat. Diá motaau kadaian in intau;

SAMUEL 2 23:7

diábí tobatúmai in intau in moibog moḻiai aka diá kokada-kadai in kayu andeka uatoi. Intau mita tatua in moyompat kaanon in tuḷú.

MAZMUR 103:9

Sia in diábí umuran mongguak, bo diábí mononoi in torú-Nea.

MAZMUR 85:3

Inampungan-Mudon in dosa mita in umat-Mu; imaapan-Mudon in bayongan in taḷánea.

YESAYA 10:17

Ki Allah inta motusi, sindar in Israel, in mobaḻíbí naonda bo dokot in tuḷú inta kon bonu in tosinggai momokak kon bayongan in yagi-yagi, nodapot in dogami mita.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 33:12

Moiko in naonda bo batu karang inta sinubá sin pomiaan silon; naonda bo bonganga inta pinupuḷ bo sinubá kon bonu in tuḷú.

YESAYA 9:18

Ki Tuhan Inta Totok in mokawasa sinumorú totok, bo hukuman-Nea in naonda bo tuḷú inta moborambang bo bangusa tatua in kayu inta pinondudub inta nodaitnea kinaan. Diábí tobatúmai in intau in motabi kon i utatnea.

YEREMIA 29:11

Kinotaauan-Ku bidon in tomayá-Ku mita kon i monimu! Tomayá mita tatua in deemanbí mopobodito kon i monimu, táe kobiaganmubí inta motompia bo mobogoi kon inimu in kobiagan moiduduimai inta nopuḻing in kamang.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,