YESAYA 27:11 - Alkitab Singog In Mongondow Masa In Tanaa

¹¹ Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YESAYA 27:11 Mawu Ofanana

MAZMUR 106:40

Bo sinumagab in torú i Allah kon i monia, Doídon in Sia kon kapunyaan-Nea tontaní.

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

YESAYA 18:5

Kon tungkuḷ in deemanpa sempo in ayop, kon tungkuḷ in toburnea ain nototak bo bungai in anggur diápa noḷutú kon pangkoinea, Sudan in rimumudondon in musung, ná kogogampang in tosilad moratab kon tanga mita in anggur.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 43:7

Sin mosia komintan ain inoiní pinodoyon kon tangoi-Ku. Mosia in binaḻí-Ku sin mohoromat kon i-Nakó.”

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 5:13

Tuamai in umat-Ku inta diá nonotaau in onu bo onu in diaanbí mayá nobaḻí intau dinakop. Itoi mita bo rayat in matoibí in gogoy bo rogang.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

YEREMIA 11:16

Nokoimontandon in Akuoi nonangoi kon i monia pangkoi in zaitun mobambar, nopuḻing in bungai in ayop inta mopia. Táe, tanaa takin singog in gotup inta motoyang turubon-Ku in daunnea mita bo putoḷon-Ku in bayongan in tanganea.

YEREMIA 13:14

Bo mosia in poyodatongon-Ku. Nogurang bo noguod in pomiaan-Ku natua takin diábí in ampung. Mosia in yopúon-Kubí takin diábí in tabi andeka diábí in ampung. Akuoi, ki Tuhan, ain nosingog.”

YEREMIA 16:5

Dika mayá in baḷoi in intau inta koyogot in nonogumatoi, Yeremia. Dikabí monogumatoi kon i ineka. Akuoi in diá bidon momarakat kon umat-Ku bui takin kobiagan motompia, bo diádon doman mopoontong in tabi bo tanob kon i monia.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

YEHEZKIEL 20:47

Potabádon in kayuon tatua mokidongog kon onu in poguman-Ku ki Tuhan Inta Totok in moḷantud kon inia, ‘Indongogaidon! Poyongkiton-Kubí in tuḷú inta momokak modait kon bayongan in pangkoi in kayu inta oyúon kon inimu, pinomayá inta ain noḷaḷow andeka inta nobiagpa. Tuḷú inta nodokot tua in diábí kopiongan. Sia in ḷumekepbí nongkon toḷatan mopobayá ná utuan, bo bayongan in intau in mokorasabí kon patúnea.

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

HOSEA 4:14

Táe Akuoi in diábí mohukum kon aid monia tatua, sin moiko tontaní in minayá doman kon sundaḷ mita inta nogaid kon kuil mita, bo noyotakin monia moiko in nobogoi in sosumba kuruban kon dewa. Totuubí totok in tosingogon tanaa: ‘Bangusa inta diá kopomomangaḻe soaḷ ki Allah in moumpagbí.’

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

MATIUS 13:15

Sin gina in intau mita tanaa ain sinimimbunod, bo bongoḷan monia in bongoḷan bo mata monia ain binilogan. Sinbá mata monia in diá mokoontong, bo bongoḷan monia in diá mokodongog, sin dikabo komangaḻeandon monia in onu inta pinoguman bo mosia in mobui mangoi kon i-Nakó, bo posaḷamaton-Ku in mosia.’ ”

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 1:31

mosia in doíbí mosimangartian; diá doman mosatia bo diá doman in totabian kon tumpaḷa intau.

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!