YESAYA 26:6 - Alkitab Singog In Mongondow Masa In Tanaa

⁶ Intau mita bogá bo inta mororiga in moritakbí kon inia.”

YESAYA 26:6 Mawu Ofanana

DATU MITA 2 9:33

Ki Yehu in noguman kon i monia, “Pogonagdon monag in sia!” Dá pinogonagdon monia in ki Izebel bo iḻigit in kereta in sia dá noitoputdon in dugúnea kon dinding bo kon kabaḷo mita in kereta tatua.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 28:3

Onu inta totok in kinoibog in itoi mita inta nongoḷoḷangu tatua in ritakan.

YESAYA 29:19

Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel.

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YESAYA 3:15

Nongonu sin moiko in mondorotbí kon umat-ku bo momakisa mogamá kon kapunyaan in intau bogá? Akuoi, ki Tuhan Inta Totok in moḷantud bo Totok in mokawasa ain noguman.”

YESAYA 37:25

Iko doman in dinumodia kon iko in nongaḻi kon parigí bo nonginum kon tubig kon butá mita in intau, bo tontaramu mita in kopia noruntai kon Ongkag in Nil nodapot in noingkag.

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

YEREMIA 50:45

Tuamai, indongogaidon onu inta sinomayá-ku kon kotá in Babel, bo onu in aidan-Ku kon intaunea mita. Ki adí doman mita monia in uguton pobayá, bo bayongan in intau angoiandon in ondok.

DANIEL 7:27

Kawasa bo koḷoḷoben in bayongan in dodatuan kon dunia in ogoi kon umat i Allah Inta Totok in moḷantud. Kawasa monia momarenta in diábí in imbuitnea bo bayongan in mongongawasa kon dunia naa in mobantungbí kon i monia takin toindudui.”

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

KORINTUS 1 1:26

Utat! Toropka bui monimu naonda in kaadaan monimu wakutu inoiní i Allah. Tongábí topiḻik in intau kon sigad monimu in mopandoi, ande oyúon in kawasa, ande koḷoḻitúan moḷantud kon sigad in intau moantó.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

YOSUA 10:24

bodongka dinia kon i Yosua. Bo ki Yosua nogoiní kon bayongan intau in Israel noyosipun, bo nomarenta sinbá porwira mita inta sinumakin noparang takinnea in mamangoi moritak kon sindun in datu mita tatua. Porwira mita tatua in namangoi domandon bo noritak kon sindun in datu mita tatua.

WAHYU 2:26

Mosia inta nountung bo nodapot in pangabisan in umuran nogaid kon onu inta kinoibog-Ku, mosia ogoian-Ku in kawasa ná kawasa inta inogoi i Amá-Ku kon i-Nakó. Mosia in motarima kon kawasa nongkon i-Nakó sin momarenta kon bangusa mita takin tungkud uatoi, bo morimumud kon bangusa mita ná morimumud kon kuyon butá.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.