YESAYA 26:1 - Alkitab Singog In Mongondow Masa In Tanaa

¹ Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 26:1 Mawu Ofanana

EZRA 3:11

Rayat nopodondong in dodayow kon i Tuhan, sindaḷan nopobui-buimai in dondong inta imbuitnea, nanaa, “Ki Tuhan tua in mopia; bo tabi-Nea kon Israel in mononoi.” Bayongan in rayat dinumudui nonggoḷokap bo nodayow kon i Tuhan, sin pondasi in Baḷoi Tuhan in pinoḻitúdon.

MAZMUR 31:21

Iko in nobuni kon i monia kon siungon-Mu nongkon toḻimpaan in intau moraat; Iḷukadan-Mu in mosia kon bonu in kawasa-Mu nongkon inta pinonapud in ḷawang.

MAZMUR 48:12

Biódon mako rayat in Sion bo Yohuda norogiow pia in gina, sin ihukum-Mu in musung monia.

MAZMUR 48:4

Ki Allah in nogutun kon komaḻig-Nea mita, noniata magí Siabí tontaní in moḷoḷukad-Nea.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 31:5

Naonda bo ḷagapan tobatú mobuká kon koḻikipnea kon pugadnea sin moḷukad kon i adínea mita, natua doman in Akuoi, ki Tuhan Inta Totok in mokawasa in moḷukad, moduḷu bo moposaḷamat kon Yerusalem.”

YESAYA 31:9

Datu monia in moḷagui takin ondok, bo itoi in tontaranea mita in totokdon in moitaḻikokog, dá taḷaandon monia in bandera mita in parang.” Ki Tuhan ain nosingog, ki Tuhan inta sinumba bo ihoromat pinongin nobogoi in kuruban payongon kon Yerusalem.

YESAYA 33:5

Ki Tuhan in momulia totok; Sia in nongawasa kon bayongan yagi-yagi. Sia in moposindogbí in hukum bo koadilan kon Yerusalem

YESAYA 33:6

bo mobogoi in inta moaman kon umat-Nea. Kaoyúonan inta mokosaḷamat kon i monia in kabijaksanaan bo sinotaau takin horomat kon i Tuhan.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 5:1

Indongogaipa in dondongku soaḷ gobá in anggur in yobayatku. Yobayatku oyúon in gobá in anggur kon obaga in buḷud inta noḷumbá.

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YESAYA 62:10

Intau in Yerusalem, ḷuaidon mongin bonawang, sadiadon in daḷan kon intau mita inta mobui. Aidaidon in daḷan moḷoben, ḷumbúdon in batunea, posindog in bandera mita kon bangusa mita.

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

YEHEZKIEL 40:5

Bo akuoi in nokoontong kon Baḷoi i Tuhan inta iḻibu dininding. Ḷoḷaki tatua in nomangkoidon nogukur kon dinding tatua nomaké in kayu pogogukurnea inta koḷanggónea in toḷu nometer. Noniata magí dinding tatua koḷantudnea in toḷu nometer bo kobunodnea in toḷu doman nometer.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ZAKHARIA 2:9

“Ki Tuhan tontaní in monayow kon i monimu! Bo moiko in pogagowanbí in intau mita inta ki atamu mita tontaní. Aka tua bo mobaḻí, yo kotaauandon monimu kon ki Tuhan Inta Totok in mokawasa ain nopotabá kon inakó.”

PINOGIAPAN 21:17

Kon dodai intua bangusa in Israel nopodondong in dondong tanaa, “Ei, parigí mita, poḷuaidon in tubigmu, bain tomuon nami in dondong.

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!