YESAYA 25:2 - Alkitab Singog In Mongondow Masa In Tanaa

² Kotá tatua ain irimumud-Mu; kotá inta dininding tua dongkadon rumbunnea. Komaḻig inta pinosindog in intau ango-angoi ain noyompat, bo diá bidon pinosindog bui dapot in mononoi.

YESAYA 25:2 Mawu Ofanana

AYUB 12:14

Onu in kinokai-Nea diábí motaau posindogon bui ki ine in dinakop-Nea diá bidon mokoḷuat bui.

YESAYA 13:20

Diá bidon tobatúmai intau in mogutun kon tua. Diá bidon in intau in Arab mododondaḷoi inta moposindog in ḷoḷaigannea kon tampat tatua, bo diá bidon in gombala inta modia kon bembé dombanea sin moranut kon bonok kon tua.

YESAYA 13:21

Tampat tatua in pogutunan bidon in biag mita ḻindong. Monikuḷu in monompugadon kon baḷoi mita monia, bo ḷagapan unta in mogutun kon tua. Bembé mita ḷoḷog mosimbanan bidon kon yuak in kinorumbunan tatua.

YESAYA 13:22

Ganggor in ungkú in kayuon bo serigala in kodongogan nongkon puri mita bo komaḻig mita in Babel. Wakutu korimumudannea motoyongdon bo wakutunea in diá bidon baḷuian bui.”

YESAYA 14:23

Babel in baḻíon-Ku rawa mita inta pogutunan in monikuḷu. Babel in kaitan-Kubí kodariton. Akuoi, ki Tuhan Inta Totok in mokawasa ain nosingog.”

YESAYA 17:1

Ki Tuhan in noguman, “Damsyik in deeman bidon mobaḻí kotá, táe mobaḻí bidon pinosipunan in apat mita.

YESAYA 17:3

Israel in kobuḻiandon in moḷoḷukadnea bo Damsyik kobuḻian in kinomerdekaannea. Intau in Siria inta ki agatnea in mobiag kon bonu in kaadaan mokooyá naonda bo intau in Israel. Akuoi, ki Tuhan Inta Totok in mokawasa, ain noguman.”

YESAYA 21:9

Indoiaidon, tuata in mosia! Tontara inta sinumakoi kon kabaḷo inta namangoi tumododoyowa. Onda intua moḷoḷukad tatua nopotaau, “Babel ain noḷabú! Patong mita inta sumbaanmai monia norimumud positabud kon butá.”

YESAYA 23:11

Ki Tuhan ain nopoyopa in ḻima-Nea kon ḻimonikan in dagat bo mopoḷabúdon kon dodatuan mita. Sia in nomarenta sinbá poḷoḷukadan mita kon Penisia in yompatondon.

YESAYA 23:13

Deemanbí bangusa in Asyur, táe bangusabí in Babel inta nopomayá mako in kotá in Tirus kinawasa in mahaḷuk moraat. Mosiabí doman inta noposindog in ḷangkeang mita pongongopungan, nogumpag kon poḷoḷukadannea mita bo nomaḻí kon kotá tatua norumbun.)

YESAYA 24:10

Sinangkub in kotá noropatoi; bayongan in ngara in ḷoḻingkop in baḷoi kinunsían sin kitogi baḷoi moondok.

YESAYA 25:12

Benteng mita in Moab takin dindingnea mita inta moḷantud in umpagon-Neabí bo pogambat-Nea kon butá modapot in morimumud ná ḷobud.

YESAYA 26:5

Ki Tuhan mopoonag kon intau inta moḷoḷatú; Sia in morimumud kon kotá monia inta dininding, bo potondodaion-Nea in butá.

YESAYA 27:10

Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu.

YESAYA 32:14

Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YESAYA 32:19

Totuu mosanang in moiko komintan sin tugat in tubig kon pinomuḷamu, bo bobiagonmu in kon ondakabí in bayáannea pongaanan takin diá in monuyayow. Táe musungmu in nádon onda bo kayuon inta inonag in uyan batu bo kotá monia in rumbunon.

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

YESAYA 37:26

Diápa degá nokoimontanmai iko in nokodongog kon bayongan intua ain sinomayá-Ku nongkon dungkuḷmai? Bo tanaa in aidan-Ku intua. Akuoibí inta nobogoi kon inimu in kawasa morimumud kon kotá mita inta dininding nobaḻí dongka rumbunnea.

YEREMIA 51:26

Diábí tobatúmai in batu nongkon kinorumbunanmu in pakéonpa bui mobaḷoi. Iko in mobaḻídon naonda bo padang gurun modapot in mononoi. Akuoi, ki Tuhan, ain nosingog.”

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”