YESAYA 24:16 - Alkitab Singog In Mongondow Masa In Tanaa

¹⁶ Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YESAYA 24:16 Mawu Ofanana

MAZMUR 106:15

Sia in nobogoi kon onu in inigum monia, táe yampoi in takit inta nonubu kon i monia.

MAZMUR 119:158

Moyaatbí in ginaku in mokoontong kon momomaḻidawan mita tatua, sin mosia tua in diábí dinumudui kon totundú-Mu.

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

MAZMUR 58:10

Kon dodai in diápa kinotaauan, nodaitdon muna in mosia, naonda bo bonok dugi inta noḷunowpa bo diápa noḷantud nodait pinoḷayug in tompot, naonda bo pinomuḷa noingkag.

MAZMUR 65:8

Pinogogai-Mu in doradak in dagat bo torú in bokoḷ, bo pinoonow-Mu in kinodowawáan in bangusa mita.

MAZMUR 67:7

Butá ain nobogoi in bungainea, Allah, Allah naton ain nomarakat kon inaton.

MAZMUR 98:3

Kinotoropan-Nea in tabi bo kososatia-Nea kon Israel, umat-Nea. Bayongan in bangusa kon sinangkub in butá ain nokoontong kon kinountungan i Allah naton.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

YESAYA 10:16

Popisí in intau in Asyur ain dinumodia, ki Tuhan Inta Totok in mokawasa in mopoangoibí in yampoi in takit sin mohukum kon porwira mita inta mongotorindog. Mosia in ponikonbí in patú totok naonda bo tuḷú inta tantú momokak.

YESAYA 11:12

Ki Tuhan in mopoponikbí in bandera kon bangusa mita. Tuata in nobaḻí tomponuot kon Sia in mosipun bui kon bangusa in Israel bo Yohuda inta noirarit kon bayongan dunia bo modia kon i monia mobui.

YESAYA 17:4

Ki Tuhan in noguman, “Moiangoibí in wakutunea koḷantudan in Israel in mopaḷut, bo kobiagannea motompia in moinggamá.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 26:15

Binaḻí-Mudon kami umat-Mu nobayong totok, o Tuhan, bo pinooḷad-Mudon in butá nami, tuamai Iko umuran inuntu.

YESAYA 28:5

Ki Tuhan Inta Totok in mokawasa in mobaḻí karangan in bungang inta mogaga kon ki agat in umat-Nea.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

YEREMIA 3:20

Táe notongkai in buḷoi bobay inta diá mosatia, iko in diá doman nosatia kon i-Nakó. Akuoi, ki Tuhan, ain nosingog.”

YEREMIA 5:11

Umat in Israel bo Yohuda in totu-totuudon ain nomaḻidawan kon i-Nakó. Akuoi, ki Tuhan, ain nosingog.”

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

HOSEA 5:7

Mosia in diá motoindudui kon i Tuhan; ki adí mita monia in deemanbí ki adínea. Tuamai, diádon moonggot in mosia bo yopúon poyotakinon in gobá mita monia.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

IMAMAT 26:39

Bo ki ine in kon sigad monimu inta nobiagpa kon butá in musungmu mobiagdon moyoyiga popisí in dosamu tontaní bo dosa in mogoguyangmu.

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

HABAKUK 1:3

Nongonu sin tongábí pomayá-Mu mako in akuoi in mokoontong kon námai tua in kobayong in aid moraat? Yo umpaka dá mokotahang in Iko in mokoontong kon námai tua in aid diá moitutui? Kon bayongan in tampat oyúon in porimumudan bo aid motontogat, poropatoian bo yogenggengan.

MARKUS 13:27

Sia in mopotabábí in malaekat-Nea mita sin mosipun kon umat inta ain piniḻí-Nea nongkon siku mita in dunia naa, nongkon popod mita in dunia mopobayá in popod in ḷangit.”

OUMAN IN RASUL MITA 13:47

Sin tanaadon in parenta i Tuhan kon inami, ‘Aindon sinantú-Ku in moiko mobaḻí bayag kon bayongan in intau ibanea inta deeman intau in Yahudi, sinbá nongkon i monimu, bayongan in intau kon dunia naa in mosaḷamat.’ ”

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!