YESAYA 24:11 - Alkitab Singog In Mongondow Masa In Tanaa

¹¹ Intau mita nomaḷú kon daḷan mita popisí in kinodaitan in tubig in anggur. Diádon in mokosanang kon butá tatua modapot in mononoi.

YESAYA 24:11 Mawu Ofanana

MAZMUR 144:14

Igumon mako in sapi mita naton modugang mobayong bo diá in mobuḻi andeka koukaian. Igumon mako in diá kodongogan in amui roriga kon daḷan mita kon kotá naton.

AMSAL 31:6

Oinumon mokoḷoḷangu in kon i moniabí inta kinobuḻian in kamang bo inta norobonoḷ in gina.

YESAYA 16:10

Diá tobatúmai in noḷunganga in gina kon gobá mita inta noḷumbá tatua. Diá in nomaḷú nopia-pia in gina andeka nodondong kon gobá in anggur. Diá in nomugut kon anggur sin pomiaan tubig in anggur. Akuoi in nopogogaidon kon goḷokap pia-pia in gina monia.

YESAYA 32:10

Tanaa moiko mokorasa kon moaman, táe degá totaongpamai moiko in kobuḻiandon in kamang, sin bungai mita in anggur mogoguyaat, bo bungai in boyó ibanea in diá domandon.

YESAYA 32:13

sin butá in bangusaku kinobiagan in mainggoa bo bonganga. Oo, ombaḷaidon in baḷoimu mita tampat pobobarasanangan in intau bo kotá inta nopuḻing in rame!

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

YESAYA 9:19

Kon sinangkub in butá tatua mosia mogagow bo mokaan kon onukabí in motaau kaanon, táe diábí in mosia mokorasa kon mobotug. Nodapotbí in mosia mokaan kon topotakin mita monia tontaní!

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

YEREMIA 46:12

Kaadaanmu inta mokooyá ain kinotaauan in bangusa mita. Karakmu in kinodongogandon in sinangkub in dunia. Tontara tobatú moidangat kon tontara ibanea; tumpaḷa in mosia moibaḻikotad kon butá.

YEREMIA 48:33

Rogiow in pia in gina noinggamádon nongkon butá in Moab inta moḷumbá. Baḻíon-Ku in tubig in anggur mogogaidon in moiḻig nongkon pakakat pomomugut kon anggur; diádon in intau in momia kon anggur bo morogiow pia in gina.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

YOËL 1:12

Pangkoi mita in pinomuḷa kon rawang noingkagdon komintan: pangkoi in anggur, apel, ara, kurma bo delima. Dá rayat in diádon in ḷunganga in gina.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.