YESAYA 23:8 - Alkitab Singog In Mongondow Masa In Tanaa

⁸ Deemanbí mododagangnea mita degá inta intau mita moḷoben inta totok in ihoromat kon dunia? Ki ine in nonantú kon mopoḷabú kon Tirus, kotá inta totok in mokawasa tanaa?

YESAYA 23:8 Mawu Ofanana

YESAYA 10:8

Sia in dinumodia, gumannea, “Tongguḷu in tontaraku mita in komintanbí datu!

YESAYA 36:9

Umpaka tongá monayow kon porwira in Asyur inta totok in moompá yo moiko nion in deemanbí ḷawangnea. Tongá moiko in moharap doman mako kon Mesir in mokidia in bantungan kereta in parang bo tontara mita inta tumakoi kon kabaḷo!

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

NAHUM 3:16

Mopopotaḷuimu in moanto-antódon kon tundi kon ḷangit in kobayongnea! Táe tanaa in diádon in mosia, naonda bo pangkoḷá inta nosongkádon kon koḻikipnea bo dongka iḷumayug minayá.

ZAKHARIA 9:3

Tirus in noposindogdon in dinding mita pogoḻingoi kon inia bo nomontuyung kon buḷawan bo saḷaka kino bayong totok dá naondadon bo pakakat biasa ná bungaion bo yoná kon daḷan.

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”