YESAYA 23:13 - Alkitab Singog In Mongondow Masa In Tanaa

¹³ Deemanbí bangusa in Asyur, táe bangusabí in Babel inta nopomayá mako in kotá in Tirus kinawasa in mahaḷuk moraat. Mosiabí doman inta noposindog in ḷangkeang mita pongongopungan, nogumpag kon poḷoḷukadannea mita bo nomaḻí kon kotá tatua norumbun.)

YESAYA 23:13 Mawu Ofanana

KINOBAḺIAN 11:28

Ki Haran minatoi kon ḻipú kinolahirannea, tuata in Ur kon Babilonia, kon dodai in ki amánea nobiagpa.

KINOBAḺIAN 11:31

Ki Terah in nonaḷámai kon kotá in Ur kon Babilonia noyotakin i Abram ki adínea, bo ki Lot ki ompunea, bo ki Sarai mototakanea bobay. Makusudnea mayá in butá in Kanaan. Táe naonda noyaputmai kon Haran, mosia nogutun notantú kon tua.

KINOBAḺIAN 11:9

Manangka intua kotá tatua sinangoian Babel, sin kon tuata in ki Tuhan nopotombauk in bahasa in bayongan bangusa, bo nongkon tua mosia in pinorarit i Tuhan kon dunia naa.

KINOBAḺIAN 2:14

Tubig nogintoḷu tangoinea in Tigris; tubig tanaa in moiḻig kon ḻimako in timur Asyur. Tubig noginggopat tangoinea in Eprat.

DATU MITA 2 17:24

Nobaḻí toḻiu in intau in Israel inta ain dinia kon pinoḷumbúan tatua, ki datu in Asyur nokipogutundon kon kotá mita in Samaria, intau mita nongkon Babel, Kuta, Awa, Hamat, bo Separwaim. Intau mita tatua in iḻimitúdon kon kotá mita tatua bo nogutundon notantú kon tua.

DATU MITA 2 20:12

Degá ná doman wakutu kon dodai intua ki datu in Babel, inta ki Merodakh-Baladan ki adí i Baladan, nokodongog kon ki Datu Hizkia in bagupa nopia kon takit. Dá nopotabá in intau in sia modia kon surat bo tombuinag kon i Hizkia.

TAWARIKH 2 33:11

Tuamai ki Tuhan in nopoangoi in tongguḷu totokanea in tontara in Asyur sin monubu kon Yohuda. Ki Manasye in dinomok in kokarit, bo inumantungan bo dinia pinobayá in Babel.

AYUB 1:17

Diápa in sia nopaḷut nosingog, kon dodai in bobantung intoḷunea namangoi nopotaau, “Toḷu nopaanan in mogogagow intau in Kasdim in nogagowdon kon unta mita i Tuang bo noḻimod kon bobantung mita i Tuang. Tongádon akuoi tontaní in nokoḷagui dá notaaudon namangoi nopotaau intua kon i Tuang.”

MAZMUR 72:9

Intau mita inta nogutun kon padang gurun in mohoromat kon inia bo musung in dumokó kon tayowon in sioḷnea.

YESAYA 10:5

Ki Tuhan in noguman, “Moboditodon in Asyur! Asyur in pakéon-Ku nobaḻí sambok bo popangkuḷ sin momongkug kon intau mita inta kinotugatan in torú-Ku.

YESAYA 10:7

Táe datu in Asyur oyúon in tomayánea tontaní. Sia in moniat momaké in aid motogat bo moyopú kon mobayong in bangusa.

YESAYA 13:19

Nongkon bayongan in dodatuan, Babel tua in inta totok in mogaga bo mokoyunggagá kon intaunea mita. Táe Akuoi, ki Tuhan, in morimumudbí kon inia, ná inta inaidan-Ku kon Sodom bo Gomora.

YESAYA 13:21

Tampat tatua in pogutunan bidon in biag mita ḻindong. Monikuḷu in monompugadon kon baḷoi mita monia, bo ḷagapan unta in mogutun kon tua. Bembé mita ḷoḷog mosimbanan bidon kon yuak in kinorumbunan tatua.

YESAYA 18:6

Mayat in tontaranea mita in taḷaandon nobaḻí kokaanon in ḷagapan mita kon sempo in pononinggai, bo mahaḷuk moraat kon sempo in tumping.”

YESAYA 43:14

Ki Tuhan in mopoposaḷamatmu, Inta Mokudus Israel, noguman, “Popisí in moiko, Akuoi nopotabá in tontara minayá in Babel, bo dinangatan-Ku in bonoboi mita in ngara mita in ponjara; giow mita in intau in Kasdim binaḷuian-Ku nobaḻí amui.

YEHEZKIEL 23:23

Sipunon-Ku bo diaan kon inimu in bayongan in intau kinoibogmu nongkon Babel, Pekod, Soa, Koa, Asyur, bo intau mita in Kaldea. Diaan-Ku poangoi kon inimu in tayowmobiag mita inta mongoḷunat inta pangkat mongoḷantud, intau moḷoben, pojabat moḷantud bo itoi mita in tontara inta tumotakoi kon kabaḷo.

YEHEZKIEL 29:18

“Ei intau ilo-ilow, ki Datu Nebukadnezar nongkon Babel in monububí kon Tirus. Sia in mopotabábí kon tontara mita momotaan kon dodiaan mita inta mobogat totok, modapot in uḷu monia in moḷogatdon bo motompaḻí in obaga monia, táe pinomayá datu andeka tontaranea diábí nokouḻí kon onu in sinayak onukabí in siniḷopían tua.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

HABAKUK 1:6

Bangusa in Babel inta morongang bo mopokaan tatua in baḻíon-Ku bangusa inta mongongawasa. Mosia in mopipid in ḷumuai nongkon butánea bo moḻibu kon sinangkub in dunia sin mopotungkud kon bangusa mita ibanea.

OUMAN IN RASUL MITA 7:4

Dá iḷumuaidon in sia nongkon ḻipú intau in Kasdim bo nogutun kon Haran. Bo naonda in minatoidon in ki amánea, pinoki pomampingan i Allah in sia nongkon butá tatua bo minayá in butá inta pinogutunan monimu masai naa.