YESAYA 22:7 - Alkitab Singog In Mongondow Masa In Tanaa

⁷ Ḷopá mita inta noḷumbá in Yohuda nopuḻing in kereta in parang. Tontara mita inta sinumakoi kon kabaḷo nosadia kon muna in bonawang mita in Yerusalem.

YESAYA 22:7 Mawu Ofanana

YESAYA 22:6

Intau in Siria namangoi kodia-dia in kabaḷo bo kereta in parang, intau in Elam nomaké in puḷu in piot bo piotnea, intau in Kir nosadia kon kaḻeawnea.

YESAYA 22:8

Bayongan in poḷoḷukadan in Yohuda norumbun. Kon tungkuḷ intua, moiko monaridi kon pakakat mita in parang kon pototagúan kon ḷoḷutam.

YESAYA 37:34

Ki datu in Asyur in mobuibí mongin daḷan inta sinaḻibannea kon dodai in namangoi bo diábí moituot kon kotá tatua. Akuoi, ki Tuhan ain nosingog.

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEHEZKIEL 4:2

Bo gambardon in pongopungan kon kotá tatua, takin gotnea mita, butá mita inta pinomumbun, ḷoḷaigan mita bo pakakat mita inta podumpak kon ḻibu mita in dindingnea.

YEHEZKIEL 4:3

Gamádon in pansi uatoi bo anggapdon tua dinding uatoi tobatú; ukat in pansi tatua kon sigadmu bo kotá in Yerusalem. Onda intua tayowdon kon kotá tatua naonda bo iko in nongopung kon tua. Tua in mobaḻí lambang kon bangusa in Israel.