YESAYA 22:6 - Alkitab Singog In Mongondow Masa In Tanaa

⁶ Intau in Siria namangoi kodia-dia in kabaḷo bo kereta in parang, intau in Elam nomaké in puḷu in piot bo piotnea, intau in Kir nosadia kon kaḻeawnea.

YESAYA 22:6 Mawu Ofanana

KINOBAḺIAN 10:22

Ki adí mita i Sem in ki Elam, ki Asyur, ki Arpakhsad, ki Lud bo ki Aram.

DATU MITA 2 16:9

Ki Datu Tiglat-Pileser in notubag kon oigum i Ahas, bo nonubu poḷat nogagow kon Damsyik. Intau mita inta nogutun kon tua in dinianea nobaḻí intau mita inta sinoko dakop bo dinia pinobayá in Kir, bo datunea, inta ki Datu Rezin, in iḻimodnea.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 15:1

Naa in koyow i Tuhan kon Moab. Kotá in Ar bo Kir iyompat tongá tonggobii, bo butá in Moab mobaḻí moingongow totok.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 22:7

Ḷopá mita inta noḷumbá in Yohuda nopuḻing in kereta in parang. Tontara mita inta sinumakoi kon kabaḷo nosadia kon muna in bonawang mita in Yerusalem.

AMOS 1:5

Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”

AMOS 9:7

Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.