YESAYA 22:17 - Alkitab Singog In Mongondow Masa In Tanaa

^17-18 Oḷatka, ḷumbúon-Ku in iko koyayúon. Iko in tagangan-Ku bo ḻitodon-Ku bo ḻitoion-Ku ná bal pobayá ná ḻipú inta moḷoben. Kon tua iko in matoi kon diug in kereta mita inta pongatamumai. Iko in noporomúmaidon kon tangoi in motoḷuadí i tuangmu.

YESAYA 22:17 Mawu Ofanana

ESTER 7:8

Takin kinobuḻian in kamang ki Haman inumuḻid kon ḷoḻitúan i Ester sin mopoigum in ampung, táe noitongkanádon kon tua ki datu namangoidon bui nongkon taman in komaḻig. Nokoontongmai kon aid i Haman natua, ki datu in nomaḷú, “Onu? Mokobaḻípa doman in sia modomok kon i bokí kon naa, kon tayowonku bo kon komaḻigku tontaní?” Dá naonda in tosingogon mita tatua siningog i datu, pojabat mita in namangoi bo nongoḷubung kon uḷu i Haman.

AYUB 9:24

Dunia in inogoi i Allah kon inta mongoraat, bo hakim mita binilogan-Neadon komintan. Ki Allah in nogaid kon bayongan tanaa, aka deeman Sia, yo ki inepa?

YESAYA 22:16

“Kainimukamai dá ki inebí in iko naa? Onu in hakmu nodapot in iko nomakang kon poḷoḷobongan kon inimu kon buḷud batu?

YEREMIA 10:18

Kon tanaa ki Tuhan in mopogambatdon in bayongan bangusa in Yohuda kon poḷumbúan; moiko komintan in daiton-Neabí rimumudon. Tuata in koyow nongkon i Tuhan.

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.