YESAYA 22:15 - Alkitab Singog In Mongondow Masa In Tanaa

¹⁵ Ki Tuhan Inta Totok in moḷantud bo Inta Totok in mokawasa nopotabá kon inakó nokipodungkuḷ kon i Sebna, kitogi totaau in tombonu in baḷoi kon komaḻig, sin mopotaau kon inia in koyow i Tuhan tanaa,

YESAYA 22:15 Mawu Ofanana

DATU MITA 2 10:5

Tuamai in tongguḷu in komaḻig bo walikota takin guhanga mita in ḻipú bo intau mita inta noḷukad kon i adí bo ompu i Ahab tua in nokidia in habar nanaa kon i Yehu, “Kami in motoguondokbí kon i Tuang bo mosadiabí in kami mogaid kon onuka in pokiaid i Tuang kon i nami. Diábí in kami moduí kon i ineka sin mobaḻí datu. Aidaidon onu in mopia kon mata i Tuang.”

DATU MITA 2 18:18

Bo nomaḷú in mosia nogoiní kon i Datu Hizkia. Dá pogawai i Hizkia taya toḷu in iḻumuai nokipodungkuḷ kon i monia. Pogawai taya toḷu tatua in ki Elyakim adí i Hilkia tongguḷu in motoḷuadí kon komaḻig, ki Sebna momomais in negara, bo ki Yoah ki adí i Asap momomais in komaḻig.

DATU MITA 2 18:26

Bo ki Elyakim, ki Sebna, bo ki Yoah in noguman kon porwira tatua, “Tuang, tumonsingogdon in Aram aka moyosingog nami, komangaḻeanbí nami. Dika momaké in tosingogon in Ibrani, sin komangaḻeandon in rayat inta kon tudu in dinding kotá tatua.”

DATU MITA 2 18:37

Dá ki Elyakim, ki Sebna, bo ki Yoah in nomerak kon ḷambung monia nobaḻí tomponuot kon morobonoḷ in dodob monia, bo minayá nopotaau intua kon i datu in onu inta ain siningog in porwira in Asyur tatua.

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

TAWARIKH 1 27:25

Naa in tangoi mita in mononompia kon kapunyaan i datu: Gudang mita kon komaḻig bo kon Yerusalem: ki Azmawet adí i Adiel Gudang mita kon ḷuai in Yerusalem: ki Yonatan ki adí i Uzia Monononggobá mita: ki Ezri ki adí Kelub Gobá mita in anggur: ki Simei nongkon kotá in Rama Tampat mita pototagúan kon anggur: ki Zabdi nongkon kotá in Syipmi Pangkoi in zaitun bo pangkoi in ara (kon sipangkoion in buḷud kon dotá in toyopan): Baal-Hanan nongkon kotá in Gederi Tampat mita pototagúan kon ḷana in zaitun: ki Yoas Bobiagon kon rawang Saron: ki Sitrai nongkon kotá in Saron Bobiagon kon ḷopá mita: ki Sapat ki adí i Adlai Unta: Ki Obil buí i Ismael Keledai: ki Yehdeya nongkon kotá in Meronot Domba bo bembé: ki Yazis, intau in Hagri.

YESAYA 36:11

Bo guman i Elyakim, i Sebna bo i Yoah kon porwira in Asyur tatua, “Tuang, poyosingogdon nami tumon singog in Aram, komangaḻean nami. Dika momaké in singog in Ibrani, sin komangaḻeandon in rayat kon tudu in dinding in kotá tatua.”

YESAYA 36:22

Dá ki Elyakim, ki Sebna bo ki Yoah nomerak kon ḷambung monia nobaḻí tomponuot moajar in gina, bo minayá nopotaau kon i datu onu inta ain pinoguman in porwira in Asyur tatua.

YESAYA 36:3

Bo pogawai i Hizkia toḷu namangoi nokipodungkuḷ kon porwira in Asyur tatua. Pogawai taya toḷu tatua in ki Elyakim ki adí in Hilkia tongguḷu in motoḷuadí in komaḻig, ki Sebna momomais in negara, bo ki Yoah ki adí i Asap, momomais in komaḻig.

YESAYA 37:2

Onda intua sia in nopotabá kon i Elyakim tongguḷu in komaḻig, kon i Sebna momomais in negara bo imang mita inta moḷantud sin mokipodungkuḷ kon i Nabi Yesaya ki adí i Amos. Mosia in nogibintoḷ doman in daing bintoḷ.

OUMAN IN RASUL MITA 8:27

Dá nobuat domandon in ki Pilipus bo minayá. Dodai intua oyúon tobatú pogawai moḷantud kon komaḻig in Etiopia. Sia tua intau inta pinirisaya mokadai kon bayongan kapunyaan i Sri Kandake, bokí kon butá in Etiopia. Intau tatua in namangoi nosambayang kon Yerusalem bo naonda in mobuidon, sia in sinumakoi kon keretanea. Kon bonu in binayáannea tatua sia sindaḷan mobaca kon buk i Nabi Yesaya.