YESAYA 22:13 - Alkitab Singog In Mongondow Masa In Tanaa

¹³ Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 22:13 Mawu Ofanana

YESAYA 26:10

Umpaka intau moraat pinopoaidan in inta mopia, diábí doman in sia mobalajar kon onu inta mobanar. Kon negara inta oyúon in hukum sia in mopoaidbí doman kon inta motombogá, bo doíbí motarima kon kawasa i Tuhan.

YESAYA 29:1

Moboditodon kotá in Yerusalem inta sinangoian mezbah i Allah! Moboditodon in kotá pinonḷoḷaigan i Daud! Pomayádon mako in taong mobaḷui taong takin singgainea mita moḷoben.

YESAYA 47:8

Tuamai in indongogaidon in Akuoi, ei iko inta moibog momatuk kon kasanangan! Kainimu kamai dá moamanbí in kobiaganmu, bo diábí in ná iko. Kainimu kamai dá iko in diábí mobaḻí dongkadon boba-bobay, bo buímu in diá moyopú.

YESAYA 5:11

Moboditodon in moiko! Nongkon doḷo-doḷom nodapot in doḷom oaidanmu tongábí monginum kon oinumon inta mokoḷoḷangu bo moḷoḷangu.

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

YESAYA 5:22

Moboditodon in moiko inta motoyang monginum kon anggur! Moiko in mobarani bo motoyang aka mopoyobauk in oinumon mokoḷoḷangu!

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

YESAYA 58:3

Bangusa tatua in moḻibó, “Onu in mangaḻenea in mopuasa aka diá ontongon i Tuhan? Onu in mangaḻenea in kita in tumonsiup aka diá in Sia moindoimai?” Ki Tuhan in moguman, “Totuubí, kon dodai in moiko koyogot in mopuasa, moiko in motayak kon kauntungan tontaní bo momakisa kon intau mita inta sinokotondananmu.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

HOSEA 9:1

Ei bangusa in Israel, dikadon morame bui kon singgai mita moḷobenmu ná bangusa mita ibanea. Moiko in nonaḷámaidon kon i Allahmu bo diá notoindudui kon i-Nia. Kon pomuḷoi in poḷoḻintogan kon gandum, moiko in nopotaḷui in awak saḷaku sundaḷ kon i Dewa Baal, bo mopia in gina in motarima kon gandum inta inanggapmu saḷaku tondan i dewa tatua kon inimu!

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

YAKOBUS 5:5

Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.