YESAYA 22:12 - Alkitab Singog In Mongondow Masa In Tanaa

¹² Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

YESAYA 22:12 Mawu Ofanana

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

EZRA 9:3

Nokodongogmai kon tua, norobonoḷ in ginaku dá binerakku in ḷambungku bo norabut kon buok dapot in kumiku, bodongka iḻimitú takin gina inta morobonoḷ totok.

NEHEMIA 9:9

Inindoian-Mu in roriga in mogoguyang nami kon tungkuḷ intua; Inindongogan-Mu in ombaḷnea kon Mesir bo kon Dagat in Teberau.

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 3:4

Ki Allah in nonantú kon wakutu mongombaḷ bo wakutu kumosing, wakutu mogamui bo wakutu motayok,

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YESAYA 26:10

Umpaka intau moraat pinopoaidan in inta mopia, diábí doman in sia mobalajar kon onu inta mobanar. Kon negara inta oyúon in hukum sia in mopoaidbí doman kon inta motombogá, bo doíbí motarima kon kawasa i Tuhan.

YESAYA 29:1

Moboditodon kotá in Yerusalem inta sinangoian mezbah i Allah! Moboditodon in kotá pinonḷoḷaigan i Daud! Pomayádon mako in taong mobaḷui taong takin singgainea mita moḷoben.

YESAYA 3:24

Tanaa in mosia mopomaké in mongo bo mongobondu, moiduduimai mobongkogdon in bó monia. Togot in ogotan monia inta moaḷus baḷuianbí in uwoi inta mokasar. Buok in uḷu monia inta mogaga in bangkuḷuganbí. Ḷambung monia inta mongopia toḻiuanbí in inta nongoberak. Tanaa moḷunat in mosia; kon singgai moiduduimai pogot monia in diá mopia popisí in dinaḷóan.

YESAYA 32:11

Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian.

YESAYA 37:1

Kon dodai in ki Datu Hizkia nokodongog kon tosingogon in intau toḷu tatua, nomerak in sia kon ḷambungnea bo nogibintoḷ in bintoḷ nobaḻí tomponuot kon moajar in gina, bodongka minayá in sia kon Baḷoi Tuhan.

YESAYA 37:2

Onda intua sia in nopotabá kon i Elyakim tongguḷu in komaḻig, kon i Sebna momomais in negara bo imang mita inta moḷantud sin mokipodungkuḷ kon i Nabi Yesaya ki adí i Amos. Mosia in nogibintoḷ doman in daing bintoḷ.

YESAYA 58:3

Bangusa tatua in moḻibó, “Onu in mangaḻenea in mopuasa aka diá ontongon i Tuhan? Onu in mangaḻenea in kita in tumonsiup aka diá in Sia moindoimai?” Ki Tuhan in moguman, “Totuubí, kon dodai in moiko koyogot in mopuasa, moiko in motayak kon kauntungan tontaní bo momakisa kon intau mita inta sinokotondananmu.

YEREMIA 16:6

Intau nooyúon bo nobogá kon butá tanaa in matoi bo diábí in moḷobong kon i monia. Diábí tobatúmai in intau in rumoriga andeka mokiḷogat in uḷunea saḷaku tomponuot nonogumatoi kon i monia.

YEREMIA 16:8

Dika tumuot kon baḷoi in intau inta koyogot in nononbobutungan. Dika mongaan monginum takin i monia.

YEREMIA 4:8

Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

YEHEZKIEL 27:31

Popisí in iko dá nokibangkuḷug in mosia, nomaké in kaeng karong tomponuot in morobonoḷ in gina. Nongombaḷ totok in mosia bo nogamui kon ukurmu.

DANIEL 5:1

Kon singgai tobatú ki Datu Belsyazar nogoiní kon intau moḷoben toribu sin mamangoi kon bobutungannea inta mooyúon totok, bo noronginumdon kon anggur.

HOSEA 9:1

Ei bangusa in Israel, dikadon morame bui kon singgai mita moḷobenmu ná bangusa mita ibanea. Moiko in nonaḷámaidon kon i Allahmu bo diá notoindudui kon i-Nia. Kon pomuḷoi in poḷoḻintogan kon gandum, moiko in nopotaḷui in awak saḷaku sundaḷ kon i Dewa Baal, bo mopia in gina in motarima kon gandum inta inanggapmu saḷaku tondan i dewa tatua kon inimu!

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YOËL 1:8

Pongombaḷdon, ei umat, naonda bo mongodeaga inta norobonoḷ in dodob inta nongombaḷ kon kinopatoian i kantangnea inta kinotabinea.

YOËL 2:12

Ki Tuhan in noguman, “Táe tanaa mako, pobuidon mangoi kon i-Nakó takin ḻimbatú in gina, sindaḷan mopuasa, mogamui bo mongombaḷ.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

YUNUS 3:6

Kon tungkuḷ in datu in Niniwe nokodongog kon habar tatua, ḷagi in sia noponag nongkon ḷoḻitúan pomomarentaannea. Iḷongkutnea in jubah in dodatuannea bo noḷutud kon kaeng karong, bo iḻimitúdon in sia kon tudu in ḷobud.

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!