YESAYA 22:1 - Alkitab Singog In Mongondow Masa In Tanaa

¹ Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

YESAYA 22:1 Mawu Ofanana

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

SAMUEL 2 14:5

“Nongonu?” noḻibó in ki datu kon inia. Bobay tatua in notubag, “Bobantung naa in dongkadon boba-bobay inta nobiag nobogá. Ki buḷoiku in minatoidon.

DATU MITA 2 6:28

Onu in mokororiga kon inimu?” Bobay tatua in notubag, “Yobayatku tanaa in nonongganutdon kon inakó sinbá kaanondon nami muna in ki adíku, bo ikoḷom in ki adíneadon in kaanon nami.

MAZMUR 114:5

Nongonu degá, ei dagat, nodapot in iko in noḷaguibí, bo Ongkag in Yordan nogogai noiḻig?

MAZMUR 125:2

Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

AMSAL 29:18

Bangusa inta diá nokouḻí kon topotundú nongkon i Tuhan in mobaḻí bangusa inta umuran motombauk. Mosanangdon totok in intau inta motoindudui kon hukum i Tuhan.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 15:3

Intau mita kon daḷan nogibintoḷ nobaḻí tomponuot nonogumatoi; intau nogamui bo nongombaḷ kon rawang bo kon tudu in atop in baḷoi.

YESAYA 22:5

Totuu, ki Tuhan Inta Totok in moḷantud, bo Inta Totok in mokawasa ain nonantú kon singgai naa nobaḻí singgai kodoḻiokan, kodowawáan bo yogenggeng kon Ḷopá in Oontongon. Dinding mita in kotá ain inumpag. Kuani mokituḷung kodongogandon nodapot kon tombuḷud mita.

YEREMIA 19:13

Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

YEREMIA 32:32

popisí in bayongan aid moraat in intau in Yohuda bo Yerusalem takin datu mita, pojabat in pomarenta, imang, bo nabi mita monia.

YEREMIA 48:38

Kon tudu mita in atop in baḷoi bo kon rawang mita tongádon kodongogan in ombaḷ. Sin Moab ain iḷosi-Ku naonda bo tampayang inta kinodoí.

YOËL 3:12

Ki Tuhan in noguman bui, “Bangusa mita in mustibí mosadia bo mayá in Ḷopá in Pohakiman. Kon tua Akuoi ki Tuhan in monisig kon bangusa mita inta noyodiugmai in umat-Ku.

YOËL 3:14

Ribuan in intau in kon Ḷopá Pohohakiman. Sin kon tua singgai i Tuhan in ḷagidon moiangoi.

MIKHA 3:6

“Ei nabi, motoyongdon in wakutumu; mata in singgaimu koyogotdon in tumoyop. Moiko in diá bidon bui mokouḻí kon oontongon inta moponiata kon tomayá-Ku mita. Moiko in diá bidon bui mokotoḻindap kon onu bo onu.”

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

ULANGAN 22:8

Aka moiko moposindog in baḷoi, yo musti tondokon monimu in ḻibunea potombutung kon kokiap in atopnea. Dá deemanbí tanggung jawabmu aka oyúon in intau in moḷabú nongkon atop tatua bo matoi.

HAKIM MITA 18:23

ki Mikha bo intaunea mita nomaḷúdon kon i monia. Intau mita in suku Dan tatua nobobui bo noḻibó kon i Mikha, “Onu in nobaḻí? Nongonu sin namangoibí takin intau mobayong naníon?”

SAMUEL 1 11:5

Kon dodai intua ki Saul bagupa nobui nongkon gobánea takin kodia-dia in sapinea. Dá noḻibó in sia, “Onu in nobaḻí? Nongonu sin bayongan in intau in mongombaḷbí?” Bo pinotaaudon kon inia in habar inta pinotaau in totabá nongkon Yabesh tatua.

SAMUEL 1 3:1

Kon dodai intua, ki Samuel inta mongoadípa tua nogundoi kon i Tuhan kon bonu in totundú i Eli. Kon tungkuḷ intua moḷawádon totok in oyúon in koyow bo oontongon nongkon i Tuhan.