YESAYA 21:2 - Alkitab Singog In Mongondow Masa In Tanaa

² Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 21:2 Mawu Ofanana

KINOBAḺIAN 10:22

Ki adí mita i Sem in ki Elam, ki Asyur, ki Arpakhsad, ki Lud bo ki Aram.

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

MAZMUR 119:158

Moyaatbí in ginaku in mokoontong kon momomaḻidawan mita tatua, sin mosia tua in diábí dinumudui kon totundú-Mu.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

MAZMUR 79:11

Indongogaipa kaasí in ongot in intau mita inta pinonjara; igumon mako intau mita inta ain sinantú matoi in pomayádon mako popisí in kawasa-Mu.

AMSAL 13:15

Intau inta mopia in aid in horomatonbí; intau inta diá motaau pirisayaan mobiagbí mororiga.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 14:4

Aka ki Tuhan mopoaidon in tua yo mosia in mopoḷoḻekebí kon datu in Babel nanaa, “Datu inta moromú ain noḷabú! Sia in diá bidon motaau mondorot.

YESAYA 14:7

Imbuitnea sinangkub in dunia in moonow bo mobiag motompia, bo bayongan in intau modondong takin ḷunganga in gina.

YESAYA 22:6

Intau in Siria namangoi kodia-dia in kabaḷo bo kereta in parang, intau in Elam nomaké in puḷu in piot bo piotnea, intau in Kir nosadia kon kaḻeawnea.

YESAYA 24:16

Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.

YEREMIA 45:3

iko in nogamui nanaa, ‘Ah, totuu mosoe in akuoi naa! Rorigaku in totuu mobarong, bo ki Tuhan in nopodugang doman in roriga. Moḷopídon in akuoi in mogamui, totokbí in diá in onownea!’

YEREMIA 49:34

Diá noonggot naonda in ki Zedekia nomarenta nobaḻí datu in Yohuda, ki Tuhan Inta Totok in mokawasa in noguman kon inakó soaḷ butá in Elam.

YEREMIA 49:35

Ki Tuhan in noguman, “Akuoi in moḻimodbí kon bayongan in intau inta mongotoyang momiot inta nokoropot totok kon Elam.

YEREMIA 50:14

Ei moiko momomiot mita! Tompiadon in pipidanmu sin mongopung bo monubu kon Babel. Popotanádon in bayongan piotmu kon Babel, sin sia in binaradosadon kon i-Nakó.

YEREMIA 50:34

Táe Akuoi in mopoposaḷamat monia inta moropot, inta moduḷu kon pelekara monia bo modia kon dodamean kon dunia. Táe kon intau in Babel popoangoi-Kubí in ropatoi bo ondok.”

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

YEREMIA 51:44

Bel, dewa in butá in Babel, in hukumon-Kubí. Baḻíon-Ku in sia mopobui kon onu inta ain inagownea. Bangusa mita in diá bidon mosumba kon inia. Dinding mita in Babel in norumbundon.

YEREMIA 51:53

Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

OMBAḶ 1:22

Taridiaidon in bayongan in aid moraat monia tua, bo aidaimaidon in mosia ná pinogogaid-Mu kon inakó, popisí in bayongan in dosa inta ain inaidanku kon ini-Mu. Mogongot in akuoi kon bonu in roriga, moajar in ginaku bo diá kotaauan mongo mayá in onda.”

DANIEL 5:28

sinilai; dodatuan i Tuangku in sinilai bo inogoi kon intau in Media bo Persia.”

DANIEL 5:9

Ki Datu Belsyazar inagíandon in ondok bo nobilaidon bui; bo intau moḷobennea doman mita totokdon in notoboḻingo.

DANIEL 8:2

Kon bonu in oontongon tatua inontongku in awakku in kon propinsi Elam, kon Susan, ibukotá in Persia. Akuoi in sinimindog mako kon diug in Ongkag in Ulai,

DANIEL 8:20

Domba koḷakian inta inontongmu tatua, inta kotungoi doyowa, nobaḻí lambang in dodatuan in Media bo Persia.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

SAMUEL 1 24:13

Poigumon mako ki Tuhandon in monantú mongo ki ine in kotaḷá in kitada! Igumon mako ki Tuhandon in motuḻí kon aid i Tuang kon inakó, tongá topiḻikmai akuoi in doíbí mopororiga kon i Tuang Datu.