YESAYA 21:1 - Alkitab Singog In Mongondow Masa In Tanaa

¹ Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 21:1 Mawu Ofanana

AYUB 37:9

Nongkon toḷatan ḷumuai in tompot moropot bo nongkon utuan mamangoi in tumping.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 13:13

Baḻíon-Ku in ḷangit gumugur bo butá in moḷundan nongkon kinoḻitúannea kon singgai in Akuoi, ki Tuhan Inta Totok in mokawasa, mopoontong in torú-Ku.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 14:14

Iko in moguman, kon iko in mamonik in goḷom mita inta moḷantud bo mobaḻí ná ki Inta Totok in moḷantud.

YESAYA 14:23

Babel in baḻíon-Ku rawa mita inta pogutunan in monikuḷu. Babel in kaitan-Kubí kodariton. Akuoi, ki Tuhan Inta Totok in mokawasa ain nosingog.”

YESAYA 17:1

Ki Tuhan in noguman, “Damsyik in deeman bidon mobaḻí kotá, táe mobaḻí bidon pinosipunan in apat mita.

YESAYA 47:1

Ki Tuhan in noguman, “Ei, Babel, poponagdon nongkon pomomarentaanmu, bo ḻitúdon kon tudu in ḷobud. Iko in diá bidon mosoing bo mopia ná dungkuḷmai.

YESAYA 5:28

Piotnea in moruit bo puḷunea in kosadi-sadia pomiot. Konuku in kabaḷonea ná kopanggit in batu tuḷú, bo bola in keretanea moburow naonda bo uḷu in tompot.

YEREMIA 51:1

Ki Tuhan in noguman, “Popoangoi-Kubí in tompot pomoguyaat inta mogirup mopobayá in Babel bo kon intaunea mita.

YEREMIA 51:42

Tubig kon dagat moiḻebet modapot in Babel; bokoḷnea mita mondoḷudut moyompat kon butá tatua.

YEREMIA 51:51

Moiko in moguman, ‘Kami in siningkuḻe bo pinokopo oyámai; kami in kinobuḻiandon in pogot popisí in intau mita ango-angoi iḻimitú kon yuang mita motusi kon bonu in Baḷoi i Tuhan.’

YEHEZKIEL 1:4

Akuoi in iḷumangag bo nokoontong kon deḷang nogirup nongkon utuan. Gotup moyotampí nongkon kapunan in goḷom inta moḷoben totok, bo ḷangit kon diugneamai in nobayag totok. Kon bonu in kilat inta moninda-nindar tatua kinoontongan in inta mopouḻi-uḻinag naonda bo porunggu.

YEHEZKIEL 30:11

Ki Nebukadnezar takin tontaranea inta diá koampung in mamangoibí bo morimumud kon butá tatua. Mosia in monububí kon Mesir momaké in kedang, bo mayat mita in posibayábí kon butá tatua.

YEHEZKIEL 31:12

Tontara ango-angoi inta diá nonotaau in ampung in momupuḷbí kon inia bo pomayádon mako. Tanganea inta noputoḷdon in moḷabúdon kon bayongan in buḷud bo ḷopá kon butá tatua. Bayongan in bangusa inta nogutun kon siungonnea in mayábí monaḷámai kon inia.

YEHEZKIEL 38:9

Sia bo tontaranea takin nobayong in bangusa inta dinumudui kon inia in mamangoibí monubu naonda bo deḷang bo mongoḷob kon bayongan in butá naonda bo goḷom.”

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

ZAKHARIA 9:14

Ki Tuhan in mokipogontongbí kon umat-Nea, naonda bo kilat in piot-Nea mita pinoḷutam-Nea. Ki Tuhan Inta Totok in moḷantud in mogirupbí kon torompet tomponuot monubu bo mayá kon bonu in deḷang nongkon toḷatan.