YESAYA 20:6 - Alkitab Singog In Mongondow Masa In Tanaa

⁶ Kon tungkuḷ intua intau mita inta nogutun kon bingkí in dagat in mogumandon, ‘Indoiaika onu inta nobaḻí kon bangusa inta pinongata naton sin moḷukad kon i naton nongkon datu in Asyur. Umpaka yo mosaḷamat in kita?’ ”

YESAYA 20:6 Mawu Ofanana

AYUB 22:30

Ki Allah in motuḷungbí kon inimu aka diá in iko kotaḷá, bo aka mogaid in iko kon inta kinoibog-Nea.”

AYUB 6:20

Táe kamang monia tua diá in mangaḻenea kon bingkí in ongkag inta diá in tubignea.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 28:17

Koadilan baḻíon-Ku tontogot pogogukur, bo gina motuḻid baḻíon-Ku tontogot ponigad.” Uyan batu in mobundur mokopodarit kon bayongan in uboḷ inta pongata monimu. Ḷunud in mogiḻigbí kon pogogadopanmu.

YEREMIA 30:1

Ki Tuhan, Allah Israel,

YEREMIA 30:7

Singgai motoyang ain noiangoi, singgai inta diá in poḷawangan. Kon i umat-Ku, tua in singgai inta mokoondok; táe mosia in posaḷamaton-Kubí.”

YEREMIA 31:1

Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

YEREMIA 4:30

Ei Yerusalem, iko in sinaḷáandon bo diádon mokopongonu! Onubí in mangaḻenea in mogiḷambung in ḷambung nopura bo moḷambá kon awak mopomaké in buḷawan bo saḷaka, poḷat moponggares in cilá kon mata? Diábí in mangaḻenea in iko in mopogaga in pogotmu, sin intau mita inta kinotabimu in doí bidon kon inimu, nodapotbí in mosia in moibogbí morabut kon nyawamu.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.