YESAYA 20:1 - Alkitab Singog In Mongondow Masa In Tanaa

¹ Podudui in parenta i Sargon, datu in Asyur, panglima in tontara in Asyur nonubu kon Asdod, kotá tobatú in Pilistin.

YESAYA 20:1 Mawu Ofanana

DATU MITA 2 18:17

Táe datu in Asyur tatua in nopotabádon mangoi nongkon Lakhis in tontara inta mobarong sin monubu kon Yerusalem. Tontara mita tatua in dinia in toḷu in porwira moḷantud, tobatú in tongguḷu totok in tontara, tobatú in mopoposadia in oinumon, bo tobatú in moḷoḷukad kon i datu. Naonda in noiyaput kon kotá tatua mosia in nogamá kon tampat kon gobá, inta sinangoian Gobá in Penatu kon diug in got inta ḷuaian in tubig nongkon tabang kon ḻimonikan.

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

SAMUEL 1 5:1

Naonda in intau in Pilistin nogagow kon Poti Dodandian i Allah, dinia monia nongkon Eben Haezer pinobayá in kotá monia, Asdod.

SAMUEL 1 6:17

Pinongin natua intau in Pilistin nobogoidon kon i Tuhan in sosumba potobut kon dosa in intau mita inta nogutun kon kotá ḻima inta pinarentaan in datu in Pilistin taya ḻima. Naa in tangoi in kotá mita tatua: Asdod, Gaza, Askelon, Gat bo Ekron. Kon sigad in kotá mita tatua oyúon in dininding oyúon doman in diá. Batúan in kotá tatua nokidia tumongo batu doman in bobentuḷ buḷawan bo boyod buḷawan tobatú. Tomponuot kon onu inta nobaḻí tatua in batu moḷoben tampat pinogukatan monia kon Poti Dodandian i Tuhan. Dapotpabí in tanaa batu tatua oyúonpa kon gobá i Yosua, intau in Bet-Semes tatua.