YESAYA 2:13 - Alkitab Singog In Mongondow Masa In Tanaa

¹³ Pangkoi mita in ḷokuyú inta moḷantud kon Libanon bo bayongan in pangkoi in kayu moḷoben kon Basan in tokoyompaton.

YESAYA 2:13 Mawu Ofanana

MAZMUR 29:5

Singog i Tuhan nokoumpag kon pangkoi mita in kayu, nomutoḷ kon tanga in ḷokuyú in Libanon.

YESAYA 14:8

Pangkoi in eru bo pangkoi in ḷokuyú in Libanon mosanang in gina sin datu inta moromú tua ain noḷabú, bo naonda in sia mayá, diá in mokipupuḷ kon i monia!

YESAYA 33:9

Ḻipú sinaḷáan nobaḻídon noingongow. Kayuon mita in Libanon kinoantugan in takit, bo Ḷopá in Saron inta moḷumbá mobaḻí naonda bo padang gurun. Kon Basan bo kon Buḷud in Karmel daun mita mongototak.

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

YEHEZKIEL 27:6

Bobotoimu mita in pinomia nongkon pangkoi mita in kayu moḷoben kon Basan. Taḷogmu in pinomia nongkon kayu ḷokuyú, nongkon ḻibuton in Siprus, ḷambánea in pinomia nongkon gading inta nomahaḷ.

AMOS 2:5

Tuamai, potabá-Kubí mangoi in tuḷú kon Yohuda bo momokak kon bayongan in benteng in Yerusalem.”