YESAYA 2:11 - Alkitab Singog In Mongondow Masa In Tanaa

¹¹ Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 2:11 Mawu Ofanana

SAMUEL 2 22:28

Intau inta moompá in dodia posaḷamaton-Mu; táe intau inta mokaḷakuang potungkudon-Mu.

MAZMUR 18:27

Iko in moponiata kon intau kon motusi in Iko, táe intau inta moraat in nobaḻí musung-Mu.

MAZMUR 18:28

Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 20:8

Oyúon in intau inta mopongata in kereta in parangnea, oyúon doman in mopongata in kabaḷonea. Táe kita in mopongata in kawasa in Tuhan, ki Allah naton.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 94:2

Sindogdon, o Hakim in sinangkub in dunia, hukumdon in intau mododia podudui in aid monia.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

AMSAL 30:13

Oyúon in intau in dumuí kon mopia totok in sia – nádomai tua in kopopianea!

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

YESAYA 13:11

Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

YESAYA 14:15

Bokaka iko in pinorobu kon tampat inta totok in moonag kon dunia in intau minatoi.

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 24:21

Kon dodai intua ki Tuhan in mohukumbí kon mongongawasa mita in ḷangit bo datu mita kon dunia.

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 28:5

Ki Tuhan Inta Totok in mokawasa in mobaḻí karangan in bungang inta mogaga kon ki agat in umat-Nea.

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

YESAYA 40:23

Binaḻí-Nea in mongongawasa mita diá kodaya, bo intau mita moḷoben kinobuḻian in kawasanea.

YESAYA 52:6

Tuamai in moiko in mongakubí kon Akuoi in Allah, bo kon dodai intua kotaauandon monimu kon Akuoibí inta nosingog kon inimu.”

YEREMIA 12:9

Mosia in naonda bo ḷagapan inta sinampí in boniá nongkon bayongan tampat. Oinídon in bayongan in mahaḷuk in kayuon dumugang mogindait kon i monia.

YEREMIA 9:24

Ki ine in moibog mopoyunggaga in onuka, yo mustibí moyunggagá sin sia in nonotaaudon bo nomangaḻedon kon i-Nakó; bo kinotaauanneadon kon tabi-Ku modapot in mononoi bo Akuoi in moposindogbí in hukum bo inta moadil kon dunia. Tua komintan in mokosanangbí kon gina-Ku. Akuoi, ki Tuhan, inta ain noguman kon tua.”

YEHEZKIEL 38:14

Manangka intua ki Tuhan Inta Totok in moḷantud nopotabá kon inakó mopotaau kon i Gog in koyow tanaa, “Kon dodai in umat-Ku Israel nobiag pia-pia mako bo noodom, iko in mamangoi monubu.

YEHEZKIEL 38:19

Bo takin totok in tumorú indoyóon-Ku in mosia, kon singgai tatua in mobaḻídon in ḻinug inta motoyang totok kon butá in Israel.

YEHEZKIEL 39:11

Ki Tuhan in noguman, “Aka tua mita bo mobaḻí, yo ogoi-Kubí kon i Gog in butá poḷobongan kon Israel, kon Ḷopá Ḷoḷoḷanan inta kon dotá in pomukaan nongkon Laut Mati. Kon tua in ki Gog bo bayongan in tontaranea ḷobongon, bo ḷopá tatua in tangoion ‘Ḷopá in Tontara i Gog’.

YEHEZKIEL 39:22

Pangkoiondon kon tua intau in Israel monotaaudon kon Akuoibí in ki Tuhan Allah monia.

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

HOSEA 2:16

Bo tangoionneadon in Akuoi ki buḷoinea, bo deemandon Baalnea.

HOSEA 2:18

Kon dodai intua Akuoi in momia kon dodandian takin bayongan in mahaḷuk sinbá mosia in dika monuyayow kon umat-Ku. Akuoi mopogogaibí in bayongan parang bo moposí in pakakat mita in parang nongkon butá in umat-Ku tatua, bo momaḻí kon i monia mobiag motompia bo moaman.

HOSEA 2:21

Kon dodai intua, aka umat-Ku Israel mosambayang, Akuoi in mongindongogbí kon i monia. Nongkon ḷangit ḷabúon-Ku monag in uyan dá butá mopomungai kon gandum, anggur bo ḷana in zaitun.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

OBAJA 1:8

Kon singgai Akuoi mohukum kon Edom, intaunea mita inta mobijaksana in yopúon-Ku. Bo bayongan in hikmat monia in moinggamádon, diádon in paḷotnea.

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

MIKHA 4:6

Ki Tuhan in noguman, “Moiangoibí in wakutunea Akuoi mosipun kon intau mita inta ihukum-Ku, mosia tuata inta nororiga kon pinoḷumbúan.

MIKHA 5:10

Kotá mita inta oyúon in poḷoḷukadan kon butámu in rimumudon-Ku, bo bayongan in dindingmu umpagon-Ku.

ZEPANYA 3:11

Kon dodai intua, ei umat-Ku, moiko in diá bidon musti mooyá bui popisí in nomarontakdon kon i-Nakó. Akuoi in mopoguntunbí in pomuḷoi in intau inta moḷoḷatú bo mododia, bo moiko in diá bidon momarontak bui kon i-Nakó kon tombuḷud-Ku inta motusi.

ZEPANYA 3:16

Moiangoibí in wakutunea intau mita in moguman, “Ei Yerusalem, dikadon moondok bo moḻia-ḻiaw in gina.

ZAKHARIA 9:16

Aka singgai tatua moiangoi, ki Tuhan in moposaḷamatbí kon umat-Nea, naonda bo gombala moposaḷamat in dombanea nongkon anib. Mosia in monindarbí kon butá i Tuhan, naonda bo permata mahkota inta mopouḻi-uḻinag.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

KORINTUS 2 10:17

Sin kon Buk Motusi ain pinais nanaa, “Intau inta moibog duíon, yo maníka bo poduí kon onu inta inaidan i Allah.”

KORINTUS 2 10:5

kami in momutoḷ kon tomayá mita inta diá mopia bo mogumpag kon onu inta pinosindog noidoyon kon kaḷakuang in intau sin pomayow kon ibog monotaau kon i Allah. Bo mopotaḷá in raian in intau mita inta diá mopia bo aidan sinbá moitungkud kon tayowon i Kristus.

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”