YESAYA 2:10 - Alkitab Singog In Mongondow Masa In Tanaa

¹⁰ Mosia in tumuot kon bonu in angob mita kon buḷud mita in karang, andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud.

YESAYA 2:10 Mawu Ofanana

AYUB 31:23

Diábí in akuoi mogaid kon natua, sin hukuman i Allah totok in nokoondok kon ginaku.

AYUB 40:13

Ḷobongdon in mosia komintan kon bonu in ḷobud; kobangdon in mosia kon bonu in dunia intau minatoi.

MAZMUR 145:12

sinbá bayongan in intau monotaau kon aid-Mu inta moḷoben, takin dodatuan-Mu inta momulia bo motaingkat.

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 25:11

Intaunea mita in motonggóbí kon ḻimanea naonda bo intau inta ḷumanguy. Táe ki Tuhan in mopoompábímai kon koḷoḷatú monia modapot in mosia diádon kodaya.

YESAYA 42:22

Táe bangusa tatua in nodaitdon inagow; mosia in dinakop kon bonu in yuang mita kon bonu in butá, bo binuni kon bonu in ponjara mita mosia in nobaḻí kuruban pinogagowan, bo diá in namangoi notuḷung.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

YEREMIA 13:9

“Natuata in pogogaid-Ku kon intau in Yohuda bo intau in Yerusalem. Akuoi in morimumud kon koḷoḷatú monia inta moiḻiudon totok tua.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

NAHUM 3:11

Ei Niniwe, iko in togopuḷongonbí doman popisí in noḷoḷangu. Iko in moḷongasibí doman sinbá moiḷagui nongkon musungmu mita.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

LUKAS 23:30

Kon wakutu intua intau mita in moguman kon buḷud mita naa, ‘Dantugaidon monag in inami naa!’ Bo kon tombuḷud mita, ‘Bumbunaidon mangoi in kami naa!’

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;