YESAYA 19:5 - Alkitab Singog In Mongondow Masa In Tanaa

⁵ Tubig in Ongkag in Nil in gimiotbí bo koonggotannea moingkag.

YESAYA 19:5 Mawu Ofanana

AYUB 14:11

Naonda bo tubig inta gumabut nongkon bonu in tabang, naonda bo ongkag momiot modapot in modait in tubignea,

YESAYA 15:6

Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow.

YESAYA 23:11

Ki Tuhan ain nopoyopa in ḻima-Nea kon ḻimonikan in dagat bo mopoḷabúdon kon dodatuan mita. Sia in nomarenta sinbá poḷoḷukadan mita kon Penisia in yompatondon.

YESAYA 37:25

Iko doman in dinumodia kon iko in nongaḻi kon parigí bo nonginum kon tubig kon butá mita in intau, bo tontaramu mita in kopia noruntai kon Ongkag in Nil nodapot in noingkag.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEREMIA 51:36

Tuamai in ki Tuhan in noguman kon intau in Yerusalem, “Akuoi in motuḷungbí kon pelekaramu bo motuḻí kon aid mita in musungmu mita kon inimu. Bokaká mita bo ongkag mita in Babel ingkagan-Kubí.

YEHEZKIEL 30:12

Ingkagan-Kubí in Ongkag in Nil bo mobogoi kon sinangkub in Mesir kon intau mita moraat. Intau mita ango-angoi potabá-Kubí moyompat kon sinangkub in butá tatua. Akuoi ki Tuhan, ain nosingog.”

ZAKHARIA 10:11

Aka mosia bo ḷumoḷan kon dagat in roriga, Akuoi, ki Tuhan in momobak kon bokoḷ mita, dá apad in Ongkag in Nil moingkagdon totok. Bangusa in Asyur inta mododia in poompáan, bo Mesir inta motorindog in kobuḻiandon in kawasa.

ZAKHARIA 14:18

Bo aka intau in Mesir doí morame kon Singgai moḷoben Ḷuḷung Daun, dá mosia in kotugatan doman in takit inta popoangoi i Tuhan kon bayongan in bangusa inta doí mayá moibada.