YESAYA 19:25 - Alkitab Singog In Mongondow Masa In Tanaa

²⁵ Ki Tuhan Inta Totok in mokawasa in momarakatbí kon i monia bo moguman, “Barakatan-Ku in moiko, ei mesir umat-Ku, Asyur inta binaḻí-Ku, bo Israel umat inta piniḻí-Ku.”

YESAYA 19:25 Mawu Ofanana

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

MAZMUR 138:8

Iko in mogintompodbí kon dandi-Mu kon inakó; dikabí mogogai in motuḷung kon umat-Mu.

YESAYA 19:24

Kon tungkuḷ intua Israel in motongkaidon in ḷoḻitúannea ná Mesir bo Asyur, bo bangusa toḷu tatua in mobaḻídon barakat kon sinangkub in dunia.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 29:23

Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó.

YESAYA 45:11

Ki Tuhan, Allah mokudus in Israel noguman, “Poḻibódon kon i-Nakó in soaḷ kobiagan moiduduimai. Táe dika moḻibó soaḷ adí-Ku mita, andeka mokiaid in onuka kon i-Nakó.

YESAYA 45:14

Ki Tuhan in noguman kon Israel, “Baḻíbí iko in kitogi bungai in pinomuḷa kon butá in Mesir bo kauntungan in Sudan. Intau mita in Syeba inta mongotorindog nobaḻí kapunyaanmu; mosia in dumuduianmai kon tumimu takin inumantungan. Mosia in tumungkudbí bo mongaku, ‘Ki Allah in totu-totuubí kon yua-yuakmu; diábí in ilah koḻikudbí in Sia!

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 61:9

Buímu in ponango-nangoianbí kon bayongan in tampat, kotaauan kon sigad in bangusa mita. Dá bayongan in intau inta mokoontong kon inia in mongakubí kon bangusa tanaa in binarakatan-Ku.”

YESAYA 63:17

O Tuhan, nongonu sin pinomayá-Mubí mako in kami moiḷaḻe? Nongonu sin Iko in mopotogatbí in gina kon inami nodapot in kami in diádon moondok kon ini-Mu? Pobuidon mangoi popisí in mogogundoi-Mu mita, Popisí in umat-Mu, kapunyaan pusaka-Mu.

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

HOSEA 2:23

Pomiaan-Ku motompia in kobobiag in umat-Ku bo motantúdon in mosia in mogutun kon butá monia. Kon i monia inta sinangoi ‘Inta Diá Kinotabi’ poontong-Kubí kon mosia in kotabi-Ku, bo kon i monia inta sinangoi ‘Deeman Umat-Ku’ in tangoion-Kudon, ‘Moiko in Umat-Ku’. Mosia in motubagbí, ‘Ikobí in ki Allah nami.’ ”

ZAKHARIA 8:13

Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

PINOGIAPAN 24:1

Naa in kinotaauandon i Bileam kon ibogon i Tuhan sia momarakatbí kon bangusa Israel. Tuamai in sia diá bidon notayak kon tomponuot mita ná inta inaidannea dungkuḷ. Ki Bileam nobobui ná padang gurun,

PINOGIAPAN 6:24

Poigumon mako ki Tuhan momarakat bo moḷukad kon i monimu.

PINOGIAPAN 6:27

Bo ki Tuhan noguman, “Aka mosia monangoi kon tangoi-Ku sin momarakat kon bangusa Israel, yo barakatan-Ku in mosia.”

SURAT I PAULUS KON JAMAAT RUM 3:29

Andeka degá ki Allah tua in tongábí ki Allah intau in Yahudi? Deemanbí Sia tua in ki Allah in bayongan intau? Totuu, Sia tua in ki Allahbí doman in bayongan intau!

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

ULANGAN 32:9

Táe buí i Yakub in tanaa piniḻí i Tuhan kon i-Nia tontaní.

PILIPI 1:6

Ki Allahbí in nomangkoi kon oaidan mopia tatua kon inimu, bo moyakinbí in akuoi, kon tantú-Neabí ingguputan in oaidan-Nea tatua modapot kon singgai ki Kristus Yesus in mamangoidon bui.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.