YESAYA 19:2 - Alkitab Singog In Mongondow Masa In Tanaa

² Ki Tuhan in noguman, “Akuoi in moposindogbí in ropatoi kon motoḷuadí kon Mesir: Utat moyogintayow in utat, topodiug moyogintayow in topodiug, kotá moyogintayow in kotá bo dodatuan moyogintayow in dodatuan.

YESAYA 19:2 Mawu Ofanana

DATU MITA IMITÁNEA 16:21

Nobaḻídon in rogenggeng kon bangusa in Israel popisí in oyúon in moibog sinbá ki Tibni ki adí i Ginat in mobaḻí datu, táe oyúon doman in moibog sinbá ki Omri in mobaḻí datu.

TAWARIKH 2 15:6

Bangusa tobatú moritak kon bangusa ibanea, bo kotá tobatú moritak kon kotá ibanea, sin pinopoangoidon i Allah in ropatoi moḷoben kon i monia.

YESAYA 3:5

Intau mita mosidorotandon. Intau moguod mopoompámai kon guranga, bo intau diá kopangkat mopoompámai kon intau moḷoben.

YEREMIA 46:12

Kaadaanmu inta mokooyá ain kinotaauan in bangusa mita. Karakmu in kinodongogandon in sinangkub in dunia. Tontara tobatú moidangat kon tontara ibanea; tumpaḷa in mosia moibaḻikotad kon butá.

YEREMIA 51:46

Dikadon moondok andeka moḻia-ḻiaw in gina popisí in habar mita inta dinongog monimu. Pomuḷoi in taong moiwaya in habar inta tongoposi--habar soaḷ aid mokotor kon bonu in butá bo soaḷ datu mita inta mosiparangan.

YEHEZKIEL 38:21

Bo ki Gog in taḻikokogan-Kubí in moyagi-yagimai in bodito. Akuoi, ki Tuhan Inta totok in moḷantud ain nosingog. Intaunea mita in mositotadan bidon in kedang monia.

ZAKHARIA 8:10

Kon dodai in deemanpa oras tatua diábí mokotondan kon tonaga in intau andeka mahaḷuk, bo diábí in mokorasa kon moaman nongkon indoyó in musung. Pinoropatoi-Kudon in intau tobatú takin intau ibanea.

MATIUS 10:21

Bo nanaa in mobaḻí: Intau mita moposarakan kon i utatnea sin pokiḻimod. Aid natua in pomiaan doman in guyanga kon i adínea. Bo adí in monayowdon kon i iná bo i amánea, bo posarakannea sin ḻimodon.

MATIUS 10:36

Tobaḷoian tua mobaḻí mogogimpongan.

MATIUS 12:25

Táe kinotaauan i Yesus in raian monia tua. Manangka intua Sia nosingog kon i monia, “Pomuḷoi in dodatuan inta diá notobatú yo motantú bidon kon moputúbí bo pomuḷoi in kotá andeka motoḷuadí inta diá motobatú, diábí mononoi.

MATIUS 24:7

Sin bangusa bo bangusa mosiparangan bo dodatuan moparang doman takin dodatuan. Moiangoi in wakutu kon bayongan intau kodaitan in kaanon bo ḻinug kon bayongan tampat.

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.

HAKIM MITA 7:22

Naonda in ki Gideon bo intaunea mita koyogotpa in nogirup kon torompet, pinoporopatoi i Tuhan in tontara in musung takin nopomaké in kedang monia tontaní. Mosia noḷagui nopobayá ná Zerera nodapot kon Bet-Sita bo kon kotá in Abel Mehola kon diug in Tabat.

HAKIM MITA 9:23

Bo pinopomukádon i Tuhan in sosaturuan kon sigad i Abimelek bo kon intau mita in Sikhem nodapot in mosia noḷawang kon inia.

SAMUEL 1 14:16

Bo kon dodai intua tontara i Saul inta noḷukad kon Gibea kon butá in Benyamin, nokoontong kon intau in Pilistin noḷagui moiagí-ako totokdon in motoboḻingo.

SAMUEL 1 14:20

Bo ki Saul takin intaunea mita in noyododaidon minayá in tampat pinoparangan. Kon tua inontongdon monia in tombauk kon sigad in intau in Pilistin; mosia moropatoi bo mosiḻimodandon.