YESAYA 19:19 - Alkitab Singog In Mongondow Masa In Tanaa

¹⁹ Kon tungkuḷ intua kon yuak in butá in Mesir posindogonbí in mezbah tobatú kon i Tuhan, bo kon pinosigadannea in oigi batu tobatú inta sinondí kon i Tuhan.

YESAYA 19:19 Mawu Ofanana

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 28:18

Nobangon monik doḷo-doḷom, ki Yakub sinimindog, bo nogamá kon batu inta pinakénea pinonguḷunan bo pinosindognea nobaḻí tobatú tompoingat bodongka pinobutakneadon in ḷana zaitun kon tudu in batu tatua.

MAZMUR 68:31

Guakaidon in Mesir, mahaḷuk moraat tatua kon yuak in utó. Toboḷowdon in bangusa mita, paanan in bantong tatua takin ki adínea mita, inta mosiritakandon sin moporigugut in saḷaka. Ki Allah in noporaritdon in bangusa mita inta moibog moparang.

IḶUAIAN 24:4

Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

YESAYA 60:7

Bembé domba in Kedar diaan kon inimu domba koḷakian nongkon Nebayot sinadia pakéon kon ibadamu. Kuruban tatua in mokosanang kon gina i Tuhan Baḻíon-Nea morame in Baḷoi-Nea inta nopuḻing in kamuliaan.

YESAYA 66:23

Pomuḷoi in buḷan mobagu bo pomuḷoi in singgai in Sabat bayongan in intau in mamangoibí sin mosumba kon i-Nakó kon Yerusalem.

YEREMIA 46:2

pinangkoi kon Mesir. Sia in noguman kon inakó soaḷ tontara i Nekho datu in Mesir, inta sinaḷow kon Karkemis kon diug in Ongkag in Eprat i Nebukadnezar datu in Babel kon taong noginggopat pinomarentaan i Yoyakim, datu in Yohuda. Naa in pinoguman i Tuhan soaḷ tua,

YEHEZKIEL 29:1

Kon singgai impuḷú bodoyowá kon buḷan impuḷúnea, kon taong nogimpuḷú kon sempo in pinoḷumbúan kon inami, ki Tuhan in noguman kon inakó,

YEHEZKIEL 30:1

Ki Tuhan in noguman bui, kai-Nia,

YEHEZKIEL 31:1

Kon singgai imitánea kon buḷan intoḷunea kon taong impuḷú bomitá kon sempo in pinoḷumbúan kon inami, ki Tuhan noguman kon inakó,

YEHEZKIEL 32:1

Kon singgai imitánea kon buḷan impuḷú bodoyowá kon taong impuḷú bodoyowá kon pinoḷumbúan kon inami, ki Tuhan in noguman kon inakó,

ZAKHARIA 6:15

Intau mita in mamangoibí nongkon tampat inta moyayú bo moduḷu moposindog in Baḷoi-Ku. Aka baḷoi tatua moḷapatdon, yo kotaauandon monia kon Akuoi ki Tuhan Inta Totok in mokawasa in nopotabádon kon inimu namangoi kon i monia. Tua komintan in mobaḻíbí aka mosia in totu-totuu dumudui kon parenta-Ku, ki Tuhan Allah monia.”

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

YOSUA 22:10

Naonda in suku i Ruben, i Gad, bo suku i Manasye kon dotá in pomukaan kon Yordan tatua nodapot kon Gelilot – kon dotápa in toyopan kon Ongkag in Yordan – mosia noposindogdon in mezbah tobatú inta moḷoben bo mogaga kon diug in ongkag.

YOSUA 22:26

Dá kami in noposindog in mezbah, deemanbí pakéon mopokuruban in kuruban payongon ande sosumba mita nami ibanea,

YOSUA 22:27

táe mobaḻí tomponuot kon i naton posi botak, bo kon buí naton kon singgai moiduduimai, kon totuubí kon kami naa in noibadabí kon i Tuhan kon Ḷoḷaigan Koangoian-Nea takin kodia-dia in kuruban payongon, sosumba mita bo kuruban yoyobayatan. Takin natua buí monimu diádon in moguman kon buí nami in diá kohubungan takin i Tuhan.

YOSUA 22:28

Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’

YOSUA 22:34

Imbuitnea mako suku in Ruben bo i Gad noguman, “Mezbah tanaa in mobaḻí sakusi kon i naton komintan kon ki Tuhan tua in ki Allah.” Dá sinangoian monia in mezbah tatua “Sakusi”.