YESAYA 19:14 - Alkitab Singog In Mongondow Masa In Tanaa

¹⁴ Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

YESAYA 19:14 Mawu Ofanana

TAWARIKH 2 18:22

Noiduduimai kon tua ki Mikha in noguman, “Yo, tuata inta mobaḻí! Ki Tuhan in nopobaḻídon kon nabi mita i Tuang monguboḷ kon i Tuang datu sin ki Tuhan in nonantúdon kon mopouma in bodito kon i Tuang datu!”

AYUB 12:16

Ki Allah tua in moropot, moroton bo ponango-nangoian! Ki inta mongonguboḷ bo ki inta kino uboḷan kon bonubí in kawasa-Nea.

AYUB 12:25

Mosia in mongokap kon bonu in sindip, bo noikuyung mako naonda bo intau noḷoḷangu in oinumon.

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.

YESAYA 19:2

Ki Tuhan in noguman, “Akuoi in moposindogbí in ropatoi kon motoḷuadí kon Mesir: Utat moyogintayow in utat, topodiug moyogintayow in topodiug, kotá moyogintayow in kotá bo dodatuan moyogintayow in dodatuan.

YESAYA 24:20

Bal in dunia moikuyung mako naonda bo intau noḷoḷangu bo moandag magí-mako naonda bo ḷaig inirup in deḷang. Dunia noumpag popisí in nobogat in dosanea. Norimumud in sia bo diá bidon moisindog bui.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YESAYA 9:16

Bangusa tatua ain nonaḷámai kon Tuhan bo moromúdon bo bayongan in tosingogon monia moraat. Tuamai in kon sigad in tayow mobiag mita diá tobatúmai in sinaḻiban i Tuhan. Sia in diábí notabi kon boba-bobay mita bo uno-unon. Táe ki Tuhan in sinumorúpabí bo umuran mohukum.

YEREMIA 25:27

Bo ki Tuhan in noguman kon inakó, “Pogumandon kon intau mita tatua kon Akuoi, ki Tuhan Inta Totok in mokawasa, Allah in Israel, nopotabá kon i monia nonginum nodapot in noḷoḷangu bo nototuka. Binaḻí-Ku in mosia noḷabú bo diádon mokobangon bui popisí in parang inta popoangoi-Ku kon i monia.

YEREMIA 48:26

Ki Tuhan in noguman, “Popoḷoḷangudon in Moab, sin dinumodia in sia kon i-Nakó. Sia in monangkuḻitodbí kon totukanea, bo kinosingan in intau.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

TESALONIKA 2 2:11

Tuamai popoangoian i Allah in tobatú kawasa inta mokopoyaying kon i monia, sinbá mopirisaya in mosia kon soaḷ inta diá totuu.

HAKIM MITA 9:23

Bo pinopomukádon i Tuhan in sosaturuan kon sigad i Abimelek bo kon intau mita in Sikhem nodapot in mosia noḷawang kon inia.