YESAYA 19:13 - Alkitab Singog In Mongondow Masa In Tanaa

¹³ Itoi mita in Zoan bo Mempis in intaubí mita inta dondunguḷ. Mosia in deemanbí mobaḻí itoi, táe mopoḷaḻebí kon bangusanea.

YESAYA 19:13 Mawu Ofanana

YESAYA 19:11

Totuu modondunguḷ in itoi mita in kotá in Zoan! Intau in Mesir inta totok in mobijaksana nobogoi in tonggina inta nobodok! Totuu mobarani mosia in moguman kon datu kon mosia in buí in intau mita mobijak bo datu dungkuḷmai!

YEREMIA 2:16

Ei Israel, buokmu in ginonsingan in intau in Mempis bo Tahpanhes.

YEREMIA 44:1

Ki Tuhan in nosingog kon inakó soaḷ bayongan in intau in Israel inta nogutun kon Mesir, inta kon kotá in Migdol, Tahpanhes, Mempis, bo kon butá kon dotá in toḷatan.

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

YEREMIA 46:19

Posadiadon, intau in Mesir, sin dakopon bo diaan mayá! Mempis in mobaḻídon apugnea – tampat inta moingongow popisí in diádon inutunan.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

YEHEZKIEL 30:14

Sinangkub in Mesir toḷatan in baḻíon-Kubí moingongow totok bo kotá in Soan kon utuan in turubon-Ku. Tebe ki iná in kotá tatua in hukumon-Ku,

YEHEZKIEL 30:16

bo kotá tatua in mororiga bidon totok. Totuu, turubon-Kubí in Mesir. Dinding mita in kotá in Tebe in moumpagbí bo kotá tatua in untagonbí in ḷunud.

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.

ZAKHARIA 10:4

Nongkon sigad monia piḻíon-Ku in pongawasa, bo panglima inta momarenta kon umat-Ku.”

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

SURAT I PAULUS KON JAMAAT RUM 1:22

Iraimai monia mobijaksana bidon in mosia, bokaka mosia tua in nobodokbí.

PETRUS 1 2:7

Moḷoben totok mangaḻe in batu tatua kon i monimu inta mopirisaya. Táe aka kon i monia inta diá mopirisaya, mobaḻíbí in onu inta ain pinais kon Buk Motusi nanaa, “Batu inta diá pinaké in intau mita inta mogogaid kon bangunan tua noniata magí yo nobaḻídon batu inta totok in moponting,”

SAMUEL 1 14:38

Manangka intua ki Saul noguman kon bayongan itoi in rayat, “Koḻigaipa kon naa komintan bo taridipa mongo dosa onu in ain inaidan kon singgai in naa.