YESAYA 18:6 - Alkitab Singog In Mongondow Masa In Tanaa

⁶ Mayat in tontaranea mita in taḷaandon nobaḻí kokaanon in ḷagapan mita kon sempo in pononinggai, bo mahaḷuk moraat kon sempo in tumping.”

YESAYA 18:6 Mawu Ofanana

YESAYA 14:19

Táe iko in diá kotampat poḷoḷobongan; mayatmu in iḷumbú naonda bo tokat inta kinodoí kinobumbunan in mayat mita in intau inta noroḷongasi noparang inta minatoi kon parang, bo pinogambat noyotakin monia kon bonu in bubú in batu, naonda bo awak bongkogdon inta kinoritakan.

YESAYA 23:13

Deemanbí bangusa in Asyur, táe bangusabí in Babel inta nopomayá mako in kotá in Tirus kinawasa in mahaḷuk moraat. Mosiabí doman inta noposindog in ḷangkeang mita pongongopungan, nogumpag kon poḷoḷukadannea mita bo nomaḻí kon kotá tatua norumbun.)

YESAYA 46:11

Akuoi in mogoiní kon mongongawasa tobatú nongkon dotá in pomukaan sia in mamangoi naonda bo ḷagapan turá sin mopobayá in onu inta ain siningog-Ku Onu in inta ain siningog-Ku notantúbí kon aidan-Kubí, onu in sinomayá-Ku notantú bidon kon pomiaan-Ku.

YESAYA 56:9

Ki Tuhan in nopotabá kon bangusa mita ibanea namangoi naonda bo biag ḻindong sin modomok kon umat-Nea.

YEREMIA 15:3

Akuoi, ki Tuhan, ain nonantú kon hukuman opat norupa inta mokoondok in mobaḻíbí kon i monia: mosia in matoi kon poparangan, mayat monia in uguton in ungkú, kaanon in ḷagapan, bo indaitan in mahaḷuk turá.

YEREMIA 16:4

Mosia in matoi kotugatan in yampoi in takit inta mokopatoi, bo mosia in matoi kon poparangan andeka matoi in gogoy. Diábí tobatúmai in intau in mongombaḷ andeka moḷobong kon i monia. Mayat monia in moirarit magí mako naonda bo pupuk kon butá, bo kaanon in ḷagapan bo mahaḷuk inta mokokaan kon tapú.

YEREMIA 7:33

Mayat mita monia in mobaḻídon kokaanon in ḷagapan bo mahaḷuk inta mokokaan kon tapú, takin diábí in motayakmai.

YEHEZKIEL 31:13

Ḷagapan mita in mamangoibí bo monguyom kon pangkoi in kayu inta ain noumpag tatua, bo mahaḷuk mita ḻindong in moritakdon magí-mako kon tanganea mita.