YESAYA 18:2 - Alkitab Singog In Mongondow Masa In Tanaa

² Nongkon ḻipú tatua namangoidon in totabá mita nongin Ongkag in Nil sinumakoi kon uangga mita sinonkasigan. Ei totabá mita inta mongotoḻidat, ḷagidon pobui kon ḻipúmu inta kinotaḻiban in ongkag mita tatua. Diadon in koyow tobatú potaau kon bangusamu inta moropot bo motorindog, intaumu mita inta moḷantud bo inta moaḷus in kuḻitnea bo inta kinoondok kon sinangkub in dunia.

YESAYA 18:2 Mawu Ofanana

TAWARIKH 2 14:9

Kon singgai tobatú intau in Sudan inta ki Zerah in tangoinea nonubu kon Yohuda takin tontaranea inta 1.000.000 bo 300 in kereta in parang. Mosia in minayá nodapot in Maresa.

TAWARIKH 2 16:8

Degá diábí kinotaauanmu kon Sudan bo Libia in kotontara mobayong takin nobayong doman in kereta in parang bo tontara inta sinumakoi kon kabaḷo? Umpaka natua táe pinountungbí i Tuhan in iko kon i monia, popisí in iko inumandoḷ kon i-Nia.

AYUB 9:26

Naonda bo uangga moḻikat, kobiaganku moitaḻib moḻikat totok, ná koḻikat in ḷagapan boniá monampí, modomok kon kokaanonnea.

IḶUAIAN 2:3

Táe adí mointok tatua diábí motaau in umurannea bunion mako. Dá ki iná in adí tatua in nogamá kon karansi bo inaipannea in bonok poḷat inaipan doman in aspal sinbá diá tuotan in tubig. Adí mointok tatua pinopouḻidnea kon bonu in karansi tatua, bodongka dinianea kon Ongkag in Nil bo inukatnea kon yua-yuak in ḷontad in utó inta kon bingkí in ongkag tatua.

YESAYA 18:7

Moiangoibí in wakutunea sosumba mita poyaputdon kon i Tuhan Inta Totok in mokawasa nongkon butá tatua inta kinotaḻiban in ongkag mita, nongkon bangusanea inta moropot bo motorindog, nongkon intaunea mita inta mongoḷantud bo kuḻit moaḷus bo inta kinoondok kon sinangkub in dunia. Mosia in mamangoibí kon Sion, kon tampat inta pinosumbaan kon i Tuhan Inta Totok in mokawasa.

YEREMIA 49:14

Akuoi, ki Yeremia, noguman, “Ei Edom, akuoi in notarimadon kon habar tobatú nongkon i Tuhan. Sia in nopotabádon kon totabá minayá in bangusa mita sin mopotabá kon i monia mosipun kon tontara bo mosadia monubu kon inimu.

YEHEZKIEL 30:9

Aka singgai tatua moiangoidon, bo Mesir in norimumudon, yo potabá-Kubí mangoi in totabá mita tumakoi kon kapaḷ mita sin mopotaḻikokog kon intau mita in Sudan inta diábí noiraimai kon i monia, dá angoiandon in ondok in mosia. Totuu, singgai tatua in moiangoibí!”

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

HABAKUK 1:7

Kon bayongan in tampat mosia in mokopomuká kon ondok; moidoyon kon ḷoḷatú mosia in mondoí kon bayongan in hukum koḻikudbí in inta moidudui kon ibog monia.

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.