YESAYA 17:6 - Alkitab Singog In Mongondow Masa In Tanaa

⁶ Naonda bo pangkoi in zaitun inta bagu sinipú in bungainea, bo dongkadon tongonumai in kon ḷuntung mita in tanganea, natua doman in Israel tongábí topiḻik in intau in mosaḷamat. Akuoi, ki Tuhan, Allah in Israel, ain noguman.”

YESAYA 17:6 Mawu Ofanana

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 10:22

Umpaka intau in Israel tanaa notongkai in kobayongnea in bungaion kon dagat, tongábí tongonumai in mobui mangoi. Hukuman i Tuhan in nodiugdon, bo totuu kon patusbí bo moadil in bangusa tatua in yopúon.

YESAYA 24:13

Tuata in mobaḻí kon sinangkub in dunia kon batúan in bangusa. Notongkai ná kon sempo in posipunan kon bungai in boyó, kon dodai in bungai in zaitun ginamá nodapot in nodait bo bungai in anggur inta imbuitnea sinipú nongkon pangkoinea.

YESAYA 27:12

Kon dodai intua ki Tuhan in mosipun kon bangusa-Nea kon batúannea nongkon Ongkag in Eprat nodapot kon pinosigadan in Mesir. Sia in mopotondíbí kon i monia naonda bo intau inta mopotondí kon batoḷ in gandum nongkon kepanea.

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEHEZKIEL 39:29

Akuoi in mopogonúbí in Roho-Ku kon bangusa in Israel, bo diá bidon monaḷámai bui kon i monia. Akuoi, ki Tuhan, Inta Totok in moḷantud ain nosingog.”

OBAJA 1:5

Mononakow andeka mogogagow inta mamangoi doḷom, tongábí mogamá kon onu in koibognea. Intau inta mosipú kon anggur kon gobá, umuranbí mononggagat kon tongonumai in bungainea. Táe iko in modaitbí yopúon in musungmu mita.

MIKHA 7:1

Mobodito in akuoi! Akuoi in nádon intau ginogoi inta minayá nosipú naonda in nopaḷut mako in sempo in pinosipúan. Diá bidon in bungai in ayop kon pangkoinea. Bungai in anggur bo bungai in ara inta mongopia nodaitdon komintan sinipú.

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

HAKIM MITA 8:2

Táe ki Gideon in notubag, “Onu in pinomiaku diábí totok in moḷoben in mangaḻenea aka poyobandingonmai in onu inta ain pinomia monimu. Umpaka inta pinomia monimu tua tongá topiḻik, táe inta topiḻikbí tua in moḷobe-ḷoben in mangaḻenea nongkon bayongan inta ain inaidan in tontara nongkon inanakanku.