YESAYA 16:9 - Alkitab Singog In Mongondow Masa In Tanaa

⁹ Tanaa inombaḷanku in pangkoi in anggur Sibma ná pinongongombaḷku kon Yaezer. Akuoi in nononggoḷuá kon Hesybon bo Eleale, sin bungai in pinomuḷanea kinaan komintan in musung.

YESAYA 16:9 Mawu Ofanana

YESAYA 9:3

Iko ain nogamá kon binabanea inta nobogat bo kayu pomomotaanan nongkon obaganea. Iko in nonaḷow kon bangusa monondorot tatua inta nopogutú kon umat-Mu. Notongkai ná dungkuḷmai kon tungkuḷ in Iko nonaḷow kon tontara in Midian.

YEREMIA 40:10

Pogutundon kon kotá mita inta koibog monimu, bo kumudungdon in mosipun poḷat motagú kon anggur, bungai mita in ayop bo ḷana in zaitun. Akuoi tontaní in mogutunbí kon Mizpa bo mobaḻí toḻiu in rayat aka intau mita in Babel mamangoi.”

YEREMIA 40:12

Tuamai in nonaḷámaidon in mosia kon tampat mita inta pinoporaritan kon i monia, bo nobui kon Yohuda. Mosia in namangoi kon i Gedalya kon Mizpa, bo nosipun kon nobayong totok in anggur bo bungai in ayop.

YEHEZKIEL 27:31

Popisí in iko dá nokibangkuḷug in mosia, nomaké in kaeng karong tomponuot in morobonoḷ in gina. Nongombaḷ totok in mosia bo nogamui kon ukurmu.

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.