YESAYA 16:4 - Alkitab Singog In Mongondow Masa In Tanaa

⁴ Ogoipa in kami mogutun kon butámu. Ḷukadaipa in kami nongkon intau mita inta moibog moḻimod kon inami.” (Pondorotan bo poḻimodan in mopaḷutdon, bo intau mita inta morimumud bo mondorot kon butá in Israel in moinggamádon.

YESAYA 16:4 Mawu Ofanana

YESAYA 14:4

Aka ki Tuhan mopoaidon in tua yo mosia in mopoḷoḻekebí kon datu in Babel nanaa, “Datu inta moromú ain noḷabú! Sia in diá bidon motaau mondorot.

YESAYA 15:6

Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

YEREMIA 40:11

Kon dodai intua bayongan intau in Israel inta kon butá in Moab, Amon, Edom, bo kon butá mita ibanea, nokodongog kon ki datu in Babel ain nobogoi kon tongosilai in intau in Israel nogutun kon Yohuda, bo sia in noduí domandon kon i Gedalya nobaḻí gubernur.

YEREMIA 48:18

Ei intau in Dibon, poponagdon nongkon tampatmu inta ihoromat; ḻitúdon kon butá bo kon tudu in ḷobud. Sin ki inta momoguyaat kon butámu in noiyaputdon, bo morimumud kon bayongan in dindingmu.

YEREMIA 48:8

Bayongan in kotá in morimumudbí, diábí tobatúmai in kotaḻiban. Ḷopá bo oyuknea komintanbí yompaton. Akuoi, ki Tuhan, ain nosingog.

OBAJA 1:14

Diábí patus in iko in simindog mako kon pinoyotangaan in daḷan sin moḷabot kon intau mita inta moḷagui kon musung, andeka moposarakan kon i monia kon musung kon dodai in mosia kinoantugan in susa.”

ZAKHARIA 10:5

Intau mita in Yohuda in mountungbí naonda bo pojuang mita inta moruntai kon musung naonda bo yoná kon daḷan. Mosia in totokbí in moḷongasi popisí in Akuoi, ki Tuhan in moduḷu kon i monia, bo tontara in musung inta sinumakoi kon kabaḷo in taḷowonbí monia komintan.

ZAKHARIA 9:8

Ḷukadan-Kubí in butá-Ku bo ḷonggaian-Kubí in tontara mita ango-angoi inta tumaḻib kon tua. Diá bidon ogoi-Ku in monondorot mononggata kon umat-Ku. Sin roriga monia in inontong-Kudon.”

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

ULANGAN 24:14

Dika mondorot kon intau totondanan inta nobiag nobogá bo umuran kodaitan, pinomayá intau tobangusamu ande intau ango-angoi inta nogutun kon kotámu tobatú.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.