YESAYA 16:10 - Alkitab Singog In Mongondow Masa In Tanaa

¹⁰ Diá tobatúmai in noḷunganga in gina kon gobá mita inta noḷumbá tatua. Diá in nomaḷú nopia-pia in gina andeka nodondong kon gobá in anggur. Diá in nomugut kon anggur sin pomiaan tubig in anggur. Akuoi in nopogogaidon kon goḷokap pia-pia in gina monia.

YESAYA 16:10 Mawu Ofanana

AYUB 24:11

Nongkon zaitun sia momia kon ḷana bo nongkon bungai in anggur, pomiaannea in inumon, táe sia tontaní in moyogangdon totok.

YESAYA 24:11

Intau mita nomaḷú kon daḷan mita popisí in kinodaitan in tubig in anggur. Diádon in mokosanang kon butá tatua modapot in mononoi.

YESAYA 32:10

Tanaa moiko mokorasa kon moaman, táe degá totaongpamai moiko in kobuḻiandon in kamang, sin bungai mita in anggur mogoguyaat, bo bungai in boyó ibanea in diá domandon.

YEREMIA 48:33

Rogiow in pia in gina noinggamádon nongkon butá in Moab inta moḷumbá. Baḻíon-Ku in tubig in anggur mogogaidon in moiḻig nongkon pakakat pomomugut kon anggur; diádon in intau in momia kon anggur bo morogiow pia in gina.

YEHEZKIEL 7:7

Bayongan in yagi-yagi ain nopaḷut kon inimu, ei bangusa mita inta nogutun kon butá tanaa. Tanaa in diá bidon in rame mita kon mezbah mita kon buḷud, dongka bidon kotombaukan in oyúon.

YOËL 1:12

Pangkoi mita in pinomuḷa kon rawang noingkagdon komintan: pangkoi in anggur, apel, ara, kurma bo delima. Dá rayat in diádon in ḷunganga in gina.

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

AMOS 5:17

Kon bayongan gobá in anggur, intau in moguangbí popisí in Akuoi in mamangoi bo mohukum kon i monimu. Akuoi, ki Tuhan, ain nosingog.”

AMOS 9:13

Ki Tuhan in noguman, “Moiangoibí in wakutunea gandum in mobiag totuu moḻikat dá singgai ponoḻisían kon bungai in boyó diádon mobonto-bontow. Pangkoi in anggur in mobiagbí ḷagi totok in moḷoben dá intau in tantúdon momia kon tubig in anggur. Tubig in anggur in mototuyú nongkon buḷud mita bo moiḻig nongkon tombuḷud mita.

ZEPANYA 1:13

Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.