YESAYA 15:9 - Alkitab Singog In Mongondow Masa In Tanaa

⁹ Kon Dibon tubig in ongkag nobaḻídon nopura sin noyobauidon in dugú. Bo ki Allah in mopoangoibí kon intau mita kon tua in inta moiḻiu kon tua in kotoyangnea. Moḷoḻimod inta potabá-Nea in moḻimodbí kon bayongan in intau in Moab inta nobiagpa.

YESAYA 15:9 Mawu Ofanana

DATU MITA 2 17:25

Kon tungkuḷ in mosia momangkoidon mogutun kon tua diábí in mosia mohoromat kon i Tuhan; tuamai in ki Tuhan nopoangoi in singa mita sin modomok kon tongosilai in intau nongkon i monia.

YESAYA 15:8

Kon bayongan tampat kon pinosigadan in Moab kodongogan in karak. Amui tua in kodongogan kon Eglaim bo Beer-Elim.

YEREMIA 15:3

Akuoi, ki Tuhan, ain nonantú kon hukuman opat norupa inta mokoondok in mobaḻíbí kon i monia: mosia in matoi kon poparangan, mayat monia in uguton in ungkú, kaanon in ḷagapan, bo indaitan in mahaḷuk turá.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

AMOS 5:19

Kaadaannea in naonda bo intau inta noḷagui kon singa, táe noyodungkuḷ in beruang. Andeka naonda bo intau inta nobui kon baḷoi bo nopotungkud in ḻimanea kon dinding, bo sinobak in uḷag!

PINOGIAPAN 21:30

Táe naa in noyopúdon in buí monia, kon kinoouput in daḷan nongkon Hesybon nopobayá ná Dibon, nongkon Nasyim nopobayá in Nopah kon diug in Medeba.”