YESAYA 15:6 - Alkitab Singog In Mongondow Masa In Tanaa

⁶ Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow.

YESAYA 15:6 Mawu Ofanana

YEREMIA 14:5

Bonok in nodaitdon, tuamai ki inde in rusa minayá. Ki adínea inta bagupa pinononggadínea sinaḷáannea kon rawang kayuon.

YEREMIA 48:34

Intau kon Hesybon bo kon Eleale in mongombaḷ bo ombaḷnea in kodongogan modapot kon Yahas, bo kinodongogan doman in intau mita nongkon Zoar nodapot kon Horonaim bo Eglat-Selisia. Mosia in nongombaḷ sin tubig kon Tapá in Nimrim in noingkag domandon.

YOËL 2:3

Naonda bo tuḷú inta momagong bo mokopokak yompaton monia in bayongan pinomuḷa. Kon dungkuḷ, butá tatua in naonda bo Eden, taman i Tuhan, noiduduimai kon tua, naondadon bo rawang in bungaion inta noingkag. Diádon onu bo onu in ki agatnea, diá in diá sinubu monia.

PINOGIAPAN 32:3

“Butá in kotá mita in Atarot, Dibon, Yaezer, Nimra, Hesybon, Eleale, Sebam, Nebo bo Beon inta ain iḻitúan in Israel takin totuḷung i Tuhan, totuu mopia ponombobiagan. Bo popisí in bobiagon nami modamaḷ totok,

PINOGIAPAN 32:36

Bet-Nimra, bo Bet Haran nobaḻí kotá mita inta sinondok in benteng bo nobaḻí ḷantung mita in domba.

YOSUA 13:27

Kon Ḷopá in Yordan, butá in suku Gad tatua nongkon Bet-Haram, Bet-Nimra, Sukot, bo Zapon, inta ki agat in butá inta kinawasa in Datu Sihon kon Hesybon. Pinosigadan kon dotá in toyopan kon butá in suku Gad tatua in Ongkag in Yordan nodapot in Danow Galilea kon dotá in utuan.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.