YESAYA 14:7 - Alkitab Singog In Mongondow Masa In Tanaa

⁷ Imbuitnea sinangkub in dunia in moonow bo mobiag motompia, bo bayongan in intau modondong takin ḷunganga in gina.

YESAYA 14:7 Mawu Ofanana

MAZMUR 47:1

Mazmur in inanakan i Korah. Kon i itoi in mododondong.

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YEHEZKIEL 35:14

Akuoi ki Tuhan Inta Totok in moḷantud in noguman: Sinangkub in dunia in mosanangbí kon tungkuḷ in sinangkub in butámu baḻíon-Ku rawang inta moingongow,

ZAKHARIA 1:11

Bayongan in kabaḷo tatua nopotaau kon malaekat, “Kami in noḻibudon kon sinangkub in dunia naa, noniata magí yo dunia tanaa in noodom bo notompia.”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!