YESAYA 14:4 - Alkitab Singog In Mongondow Masa In Tanaa

⁴ Aka ki Tuhan mopoaidon in tua yo mosia in mopoḷoḻekebí kon datu in Babel nanaa, “Datu inta moromú ain noḷabú! Sia in diá bidon motaau mondorot.

YESAYA 14:4 Mawu Ofanana

TAWARIKH 2 36:18

Pakakat mita in Baḷoi Tuhan, bo pakakatnea mita inta koboḻi, takin doman kapunyaan in datu bo in pogawainea mita, komintan inagow i datu in Babel bo dinia kon Babel.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 13:19

Nongkon bayongan in dodatuan, Babel tua in inta totok in mogaga bo mokoyunggagá kon intaunea mita. Táe Akuoi, ki Tuhan, in morimumudbí kon inia, ná inta inaidan-Ku kon Sodom bo Gomora.

YESAYA 14:17

Sia naa degá inta norimumud kon kotá mita bo nomaḷui kon dunia naa nobaḻí rawang in bungaion? Sia naa degá inta diá kon dodai in onda in nomuḻi kon intau mita inta dinakopnea andeka inta nopomayá mako kon i monia nobui?’

YESAYA 14:5

Ki Tuhan ain nonimpod kon pinomarentaan in pongawasa mita inta moraat

YESAYA 14:6

inta pinongin torú nondorot kon bangusa mita bo umuran momongkug kon i monia.

YESAYA 16:4

Ogoipa in kami mogutun kon butámu. Ḷukadaipa in kami nongkon intau mita inta moibog moḻimod kon inami.” (Pondorotan bo poḻimodan in mopaḷutdon, bo intau mita inta morimumud bo mondorot kon butá in Israel in moinggamádon.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 47:5

Ki Tuhan in noguman kon Babel, “Kibio-biómaidon, bo tuotdon kon bonu in sindip. Iko in diá bidon bui tangoion ‘Bokí in dodatuan mita.’

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YESAYA 51:23

Roriga tatua in ogoi-Ku kon inta nondorot kon inimu, inta nokoimontandon in nokiposiug kon i monimu kon butá, bo inta noritak kon i monimu, ná momia bo moiko nion in daḷan inta bayáan in intau.”

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 48:17

Ei moiko negara mita kon diug in Moab inta nonotaau kon kinotonsimboróannea, ponogumatoidon kon inia! Singogdon, ‘Moab in diá bidon mongawasa, koḷoḷoben bo koropotnea in noinggamádon!’

OMBAḶ 4:1

Buḷawan inta mopouḻi-uḻinag in nobuḷoḷowdon batu mita in Baḷoi Allah noiraritdon kon daḷan.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

DANIEL 2:38

Ki Tuangku in binaḻí-Nea pongawasa kon tonsilai in dunia inta oyúon in nogutun bo kon bayongan in ḷagapan bo mahaḷuk ibanea. Ki Tuangku tontaní in inta uḷu buḷawan kon patong tatua.

HABAKUK 2:17

Iko in monaḷun kon kayu mita kon kayuon in Libanon, bo tanaa in ikodon tontaní in pupuḷon. Iko in noḻimod kon bobiagonnea mita, bo tanaa in bobiagon mita tatua in mokoondokdon kon inimu. Tua komintan in mobaḻí popisí in pinoḻimodan bo koḷoḻingá inta ain inaidanmu kon ḻipú mita, kon kotá mita bo kon intaunea mita.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 18:16

poḷat mosingog, “Adodoia kaasí, totokdon moḷoben in bodito in kotá inta moḷoben tanaa! Biasamai mogiḷambung in sia nongkon kaeng inta moaḷus, kaeng nopars, bo kaeng nopura inta noguyang; biasamai sia nopuḻing in ḷambá buḷawan, permata, bo mutiara!

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!