YESAYA 13:14 - Alkitab Singog In Mongondow Masa In Tanaa

¹⁴ Intau ango-angoi inta nogutun kon Babel in moirangkapbí bo moḷagui mayá in ḻipúnea-ḻipúnea. Mosia in naonda bo rusa inta noḷagui nongkon moḷoḷutam, andeka paanan in domba inta diá in gombala.

YESAYA 13:14 Mawu Ofanana

DATU MITA IMITÁNEA 22:17

Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia tua in naondadon bo domba inta diá in gombala, bo ki Tuhan in noguman kon i monia, ‘Intau mita tanaa in diádon ko itoi. Biódon mako mosia in mobui takin mosaḷamat.’ ”

DATU MITA IMITÁNEA 22:36

Naonda in tumoyopdon in mata in singgai bayongan in tontara in Israel pinarentadon kon mobui kon kotá bo kon butánea-butánea,

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YESAYA 21:15

Sin mosia in noḷaguidon kon pitow inta ain irabut, bo nongkon piot inta ain pinopopiot, bo nongkon parang inta koyogot mobaḻí.

YESAYA 47:15

Tuata in mangaḻenea in mononoḻindap kon inimu inta mokopororigamai kon inimu nongkon mointokanpamai; kon batúannea mayá monaḷámai kon inimu; diábí in mamangoi motuḷung kon inimu.”

YEREMIA 25:12

Mopaḷut mako kon tua Akuoi in mohukum kon bangusa in Babel bo datunea popisí in dosa monia. Butá in Babel in rumbunon-Ku bo bióon-Ku mako in morimumud modapot in mononoi.

YEREMIA 50:16

Dika pomayá mako intau in monompinomuḷa andeka mosipú kon bungai in boyónea kon butá tatua. Bayongan in intau ango-angoi inta nogutun kon tua in mobuibí kon butánea tontaní, popisí in moondok in mosia kon tontara inta monubu.”

YEREMIA 51:9

Intau ango-angoi inta nogutun kon tua in nosigumanan, ‘Kita in noḷongasidon notuḷung kon Babel, táe nolatdon! Maníka taḷaandon naton in butá tanaa bo mobui kon butá naton tontaní. Ki Tuhan in nohukumdon kon Babel totok in mobogat, bo norimumudon komintan.’ ”

NAHUM 3:18

Ei datu in butá in Asyur! Gubernurmu mita in minatoidon, bo bupatimu mita in noisiugdon diádon moibango-bangon. Rayatmu in noiraritdon kon buḷud mita, bo diá tobatúmai in intau in mokopodia kon i monia mobui mangoi.

MATIUS 9:36

Nokoontongmai kon intau moantó tatua, Sia inangoian totok in tabi kon i monia, sin mosia totokdon in moḷopí bo diádon kodaya, naonda bo domba inta diádon kogombala.

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.