YESAYA 13:11 - Alkitab Singog In Mongondow Masa In Tanaa

¹¹ Ki Tuhan in noguman, “Akuoi in mohukumbí kon dunia popisí in aidnea moraat, bo intau mita inta moraat popisí in dosa mita monia. Bayongan in inta moḷoḷatú in poompáan-Kubí, intau mododia bo moromú in hukumon-Ku.

YESAYA 13:11 Mawu Ofanana

AYUB 40:12

Oo, bobuidon in intau inta mokaḷakuang, potungkudon in sia! Rimumudon in intau moraat kon tampatnea.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 14:21

Poḻimodan in ḷagidon pangkoion! Ki adímu mita ḷoḷaki in matoibí popisí in dosa in mogoguyang monia. Diábí tobatúmai in kon sigad monia in momarenta kon dunia andeka moposindog in kotá mita.”

YESAYA 14:5

Ki Tuhan ain nonimpod kon pinomarentaan in pongawasa mita inta moraat

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 22:14

Ki Tuhan Inta Totok in moḷantud bo Inta Totok in mokawasa nokipogontong kon inakó bo noguman, “Totuu, aid monia inta moraat tua in diábí ampungan-Ku modapot in mosia matoi. Akuoi in ki Tuhan, ain nosingog.”

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 24:21

Kon dodai intua ki Tuhan in mohukumbí kon mongongawasa mita in ḷangit bo datu mita kon dunia.

YESAYA 25:3

Iko in dayowonbí in bangusa mita inta moropot, bo koondok kon kotá mita in bangusa mita inta moromú.

YESAYA 25:5

naonda bo tompot mopatú kon butá inta noḷogat. Táe binaḻí-Mu in musung nami diá nokobuká kon bibig, Pinogogai-Mu in baḷú in intau mita inta moromú, naonda bo oḻiung in goḷom nonginggamá kon patú in singgai.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,

YESAYA 29:5

Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

YESAYA 5:15

Batúan in intau in pokopooyáanbímai, bo inta moḷoḷatú in poompáan.

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEREMIA 48:29

Mododia totok in moiko! Dinongog-Kudon kon totuu moḷoḷatú, motosiḷantud, mokaḷakuang, bo moambungangaḷ in moiko!

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”