YESAYA 13:10 - Alkitab Singog In Mongondow Masa In Tanaa

¹⁰ Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YESAYA 13:10 Mawu Ofanana

AYUB 9:7

Ki Allah in motaaubí mogimaḷow kon mata in singgai in diá momuká kon dodai in doḷo-doḷom, bo diá mobogoi kon tundi mita monindar kon tungkuḷ in doḷom.

MOHOHUTUBA 12:2

Aka tua in moiangoidon yo matamu in diá bidon mosilang, dá mokuyoyowdon in sindar in mata in singgai, buḷan bo tundi. Goḷom morondí in mododia kon uyan, umuranbí kotaki-takinmu naonda bo gogondok.

YESAYA 24:21

Kon dodai intua ki Tuhan in mohukumbí kon mongongawasa mita in ḷangit bo datu mita kon dunia.

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

YESAYA 47:5

Ki Tuhan in noguman kon Babel, “Kibio-biómaidon, bo tuotdon kon bonu in sindip. Iko in diá bidon bui tangoion ‘Bokí in dodatuan mita.’

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YESAYA 50:3

Ḷangit binaḻí-Ku irumondí komintan, kinoḷoban-Ku intua naonda bo kaeng pinatoian.”

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 3:15

Mata in singgai bo buḷan in simindipdon, bo tundi mita in diádon monindar bui.”

AMOS 5:20

Singgai i Tuhan in totuubí kon mokopoangoi kon sindip, deemanbí bayag – singgai nonggoḷom inta diá nonindar.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

ZAKHARIA 14:6

Aka singgai tatua moiangoi, yo diá bidon in tompot motumping andeka eis.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MARKUS 13:24

“Táe naonda in kon wakutudon in roriga tatua, mata in singgai mobaḻídon mosindip, bo buḷan diádon monindar.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.

OUMAN IN RASUL MITA 2:20

Mata in singgai in mobaḻí mosindip, buḷan in mosimpuya naonda bo dugú kon wakutu in diápa moiangoi in singgai i Tuhan, singgai inta totok in moḷoben bo momulia tua.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.