YESAYA 12:5 - Alkitab Singog In Mongondow Masa In Tanaa

⁵ Podondongdon kon i Tuhan, sin Sia in nomiadon kon nobayong in inta mokoherang. Pomayádon mako in sinangkub in dunia mokodongog kon onu inta inaidan-Nea.

YESAYA 12:5 Mawu Ofanana

MAZMUR 105:2

Podondongdon in dondong dodayow kon i Tuhan, pohabardon in bayongan mia-Nea inta mokoherang.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

IḶUAIAN 15:1

Bo ki Musa takin intau mita in Israel nopodondong in dondong tanaa sin modayow kon i Tuhan, “Akuoi in moibog modondong kon i Tuhan, sin moḷobenbí in kawasa-Nea. Bayongan in kabaḷo bo intau inta sinumakoi pinogambat-Nea kon bonu in dagat.

IḶUAIAN 15:21

Ki Miryam nonongganut kon i monia nodondong, “Podondongdon kon i Tuhan, sin Sia in mokawasa totok. Bayongan in kabaḷo bo mododianea pinogarab-Nea kon bonu in dagat tatua.”

YESAYA 24:14

Intau mita inta mosaḷamat in modondong takin pia in gina. Intau kon toyopan in mopotaaubí in koagung i Tuhan

YESAYA 40:9

Potakodon kon tudu in buḷud inta moḷantud, bo pobaḷúdon in habar mopia kon Yerusalem! Pomaḷúdon koropot, bo pobaḷúdon in habar mopia kon Sion! Pogumandon kon kotá mita in Yohuda kon ki Allah monia in mamangoi!

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 42:11

Pomayádon mako in padang gurun bo kotánea mita in modayow kon i Tuhan, bo intau in Kedar modayow kon i-Nia! Porogiowdon in intau mita kon kotá in Sela, bo morobaḷú nongkon tudu totok in buḷud!

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!