YESAYA 12:2 - Alkitab Singog In Mongondow Masa In Tanaa

² Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 12:2 Mawu Ofanana

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

AYUB 13:16

Degá popisí in baraniku tatua mosaḷamat in akuoi, tuamai intau moraat in diá mokobaḻí tumayow kon i Allah!

MAZMUR 112:8

Sia in diábí moḻia-ḻiaw in gina andeka moondok, sin noyakin kon musungnea in taḷowonbí.

MAZMUR 118:14

Ki Tuhan in pangkoi in ropotku bo kinoibo-ibogku, Sia in noposaḷamatdon kon inakó.

MAZMUR 118:21

Akuoi in modayow kon ini-Mu, sin Iko in notubagdon kon sambayangku; pinountung-Mudon in akuoi.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 65:6

Iko in notubag kon inami pinongin nopountung kon inami, inaidan-Mu in soaḷ mita inta mokoherang sin moposaḷamat kon inami! Ikobí in pinongamangan in bayongan in bangusa nodapot in dagat inta moyayú.

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 68:21

Ki Allah naton in ki Tuhan inta noposaḷamat, Sia in nopoḷuat kon inaton nongkon kinopatoian.

MAZMUR 83:18

Biódon mako in mosia modapot in mononoi pokopooyáanmai bo angoian in ondok, biódon mako in mosia matoi kon bonu in empeng.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

YESAYA 10:24

Ki Tuhan Inta Totok in mokawasa noguman kon umat-Nea inta nogutun kon Sion, “Dika moondok kon intau in Asyur, umpaka mosia mondorot bo mopogutú kon i monimu ná inta pinomia in intau in Mesir koḻipod.

YESAYA 17:10

Israel, iko in nokoḻiongdon kon i Allah inta noposaḷamat bo noḷukad kon inimu naonda bo buḷud batu inta moroton. Noyoḻiu kon tua, iko in nomuḷadon kon gobá mita sin ogoi kon dewa mita.

YESAYA 27:5

Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

YESAYA 38:20

Tuhan, Iko in nongundamdon kon inakó, dá kami in nopodondongdon in dodayow kon Baḷoi-Mu pinongin mokuti kon kecapi, kino ouput in kobiagan nami.”

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 49:5

Kon tungkuḷ in diápa pinononggadí, akuoi inoiní i Tuhan nobaḻí mogogundoi-Nea sin mosipun kon umat in Israel, sinbá mosia in mobui mamangoi kon i-Nia. Ki Tuhan in nopobaḻí kon inakó ihoromat, ki Allah in nobaḻí ropotku.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 62:11

Ki Tuhan in nobogoi in koyow tanaa kon sinangkub in dunia, “Poguman kon intau inta nogutun kon Sion, ‘Indoiai, ki Tuhan Mopoposaḷamat namangoi! Sia in sinakinan in intau mita inta ain pinoḷuat-Nea.’ ”

YESAYA 65:18

Pokosanangdon bo pokoḷungangadon modapot in mononoi sin onu inta binaḻí-Ku. Akuoi in nomaḻí kon Yerusalem mobagu nopuḻing in ḷunganga, bo intaunea mita in morogiow.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

YEREMIA 3:23

Diábí in mangaḻenea kami in noyotakin nosumba kon berhala mita kon tudu mita in buḷud! Totuḷung kon umat in Israel in tongábí mamangoi nongkon i Tuhan Allah nami.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

HOSEA 1:7

Táe bangusa in Yohuda in kotabi-Ku. Akuoi ki Tuhan, Allah monia, in moposaḷamatbí kon i monia, táe deemanbí pongin parang, deeman doman pongin kedang andeka piot andeka kabaḷo bo tumotakoinea.”

YOËL 2:23

Ei rayat in Sion, koḷungangadon in gina! Kosanangdon in gina bo porogiowdon! popisí in bayongan in inta mopia nongkon i Tuhan Allahmu. Kon sempo in pononotak inogoiannea in uyan inta tugat kon inimu. Kon sempo in tumping uyan pinoonag-Nea, ná doman tua in kon sempo in pononubú ná dungkuḷmai.

YUNUS 2:9

Táe akuoi in mopodondongbí in dodayow mita kon ini-Mu bo moposumba in kuruban kon ini-Mu. Bayongan in dandiku in aidankubí. Ikobí in ki Tuhan inta noposaḷamat.”

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

SURAT I PAULUS KON JAMAAT RUM 1:16

Mopirisayabí totok in akuoi kon Habar Mopia tatua, sin Habar Mopia tatua in ropotbí i Allah moposaḷamat kon bayongan in intau inta mopirisaya; muna-munamai intau in Yahudi, bo bangusa doman ibanea.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

WAHYU 7:10

Mosia in nomaḷú noropot nanaa: “Kasaḷamatan naa in tongábí nongkon i Allah naton inta iḻimitú kon tudu in tampat pomomarentaan bo nongkon i Adí in Domba tatua!”

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.