YESAYA 11:14 - Alkitab Singog In Mongondow Masa In Tanaa

¹⁴ Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YESAYA 11:14 Mawu Ofanana

YESAYA 14:29

Ei bangusa in Pilistin, popangkuḷ inta pinaké momongkug kon inimu ain noputoḷ. Táe dikabí mopia-pia in ginamu, sin aka uḷag tobatú matoi, yo uḷag inta moraat totok in mamangoibí momaḷui kon inia, bo natu in uḷag momotow kon naga inta kokoḻikip.

YESAYA 15:1

Naa in koyow i Tuhan kon Moab. Kotá in Ar bo Kir iyompat tongá tonggobii, bo butá in Moab mobaḻí moingongow totok.

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 59:19

Kawasa bo koagung-Nea in koondokbí in bayongan in intau nongkon pomukaan nodapot in toyopan. Sia in mamangoibí naonda bo ongkag inta motoḷog inta pinondoradak mako in tompot inta moropot.

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

YESAYA 63:1

“Ki ine in sia inta namangoi nongkon Bozra kon Edom? Ḷambungnea in nopura, pakeangnea in mopouḻi-uḻinag; sia in ḷumampang takin motorindog mako.” “Akuoibí in ki Tuhan inta mokoposaḷamat bo mamangoi modia kon habar kountungan.”

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YEREMIA 40:11

Kon dodai intua bayongan intau in Israel inta kon butá in Moab, Amon, Edom, bo kon butá mita ibanea, nokodongog kon ki datu in Babel ain nobogoi kon tongosilai in intau in Israel nogutun kon Yohuda, bo sia in noduí domandon kon i Gedalya nobaḻí gubernur.

YEREMIA 48:40

Ki Tuhan in noguman, “Naonda bo ḷagapan boniá nondagit takin koḻikip nosongká, natuata in bangusa tobatú in mamangoi bo mondagit kon Moab.

YEREMIA 49:2

Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YEREMIA 49:22

Naonda bo ḷagapan boniá nondagit takin nosongká kon koḻikipnea, natuata in koangoi in musung bo mondagit kon Bozra. Kon singgai tatua tontara in Edom angoian in ondok naonda bo bobay inta mononggadí.”

YEREMIA 49:28

Naa in pinoguman i Tuhan soaḷ suku in Kedar bo butá mita inta kinawasa i Hazor, inta ain inagow i Nebukadnezar datu in Babel, “Ei Nebukadnezar, tubudon in suku in Kedar bo yopúdon in intau mita kon dotá in pomukaan!

YEHEZKIEL 25:14

Bangusa-Ku Israel in pakéon-Ku motuḻí kon yaat in gina kon Edom, bo Edom in pomiaan podudui in koḷoben in torú-Ku. Kotaauandon in Edom naonda in nanamnea aka kotugatan in torú-Ku. Akuoi ki Tuhan Inta Totok in moḷantud ain nosingog.”

DANIEL 11:41

Nodapotbí in butá inta mopia in tubuonneabí doman, bo puḷúan ribu in intau ḻimodonnea. Táe dodatuan mita in Edom, Moab bo tonsilai inta totok in moponting nongkon dodatuan in Amon in mosaḷamatbí.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

AMOS 9:12

Intau in Israel in mongawasabí kon butá in Edom inta oyúonpa takin bayongan in bangusa inta dungkuḷmai kapunyaan-Ku. Akuoi ki Tuhan, ain nosingog bo Akuoi in mopobayábí intua.”

HABAKUK 1:8

Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.

ZEPANYA 2:5

Kinutukdon in moiko, ei intau in Pilistin, bangusa inta nogutun kon kinoouput in pintad. Ki Tuhan in nonantúdon kon hukuman kon inimu. Sia in moyopúbí kon i monimu, diábí tobatúmai in nongkon sigad monimu in kotaḻiban.

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

MATIUS 8:11

Poguman-Ku kon i monimu! Mobayong in intau inta mamangoi nongkon pomukaan bo toyopan bo ḻimitú mongaan moyotakin i Abraham, i Ishak, bo i Yakub kon bonu in Dunia Mobagu i Allah.

HAKIM MITA 6:3

Apadoman pomuḷoi in intau monononggobá in Israel, mamangoidon in intau in Midian moyotakin intau in Amalek bo intau mita ibanea nongkon padang gurun bo monubu kon intau in Israel.