YESAYA 11:12 - Alkitab Singog In Mongondow Masa In Tanaa

¹² Ki Tuhan in mopoponikbí in bandera kon bangusa mita. Tuata in nobaḻí tomponuot kon Sia in mosipun bui kon bangusa in Israel bo Yohuda inta noirarit kon bayongan dunia bo modia kon i monia mobui.

YESAYA 11:12 Mawu Ofanana

MAZMUR 107:3

Moiko in sinipun-Neadon nongkon butá mita in intau ibanea, nongkon pomukaan bo toyopan, utuan bo toḷatan.

MAZMUR 147:2

Ki Tuhan in mopoguḻitbí in Yerusalem; intau mita inta iḷumbú in diaan-Neabí mobui.

MAZMUR 60:4

Iko in nodandú kon butá dá noḷau; tompiadon in inta nongobotak, popisí in butá nodandú.

MAZMUR 68:22

Notantú bidon kon butukonbí i Allah in uḷu in musung-Nea, intau mita inta umuran noyobiag in dosa.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

YESAYA 24:16

Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 43:6

Pinarenta-Ku kon i utuan bo kon i toḷatan, sinbá mosia in ḷagidon buḻian. Bá ki adímu mita ḷoḷaki in mobuidon nongkon moyayú, bo ki adímu mita bobay in mobui nongkon popod mita in dunia.

YESAYA 49:22

Ki Tuhan Inta Totok in moḷantud in noguman kon umat-Nea, “Akuoi in mobogoibí i tomponuot kon bangusa mita bo mosia in mopobuibí kon i adímu mita; ki adímu mita ḷoḷaki in koyotanbí bo adímu mita bobay in tokopotaanon.

YESAYA 49:5

Kon tungkuḷ in diápa pinononggadí, akuoi inoiní i Tuhan nobaḻí mogogundoi-Nea sin mosipun kon umat in Israel, sinbá mosia in mobui mamangoi kon i-Nia. Ki Tuhan in nopobaḻí kon inakó ihoromat, ki Allah in nobaḻí ropotku.

YESAYA 54:7

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

YESAYA 56:8

Nanaa in guman i Tuhan Inta Totok in moḷantud inta nogatod kon Israel nobui nongkon pinoḷumbúan, “Akuoi in modiabí kon intau ibanea sin dumugang takin monia inta ain notonsipun.”

YESAYA 59:19

Kawasa bo koagung-Nea in koondokbí in bayongan in intau nongkon pomukaan nodapot in toyopan. Sia in mamangoibí naonda bo ongkag inta motoḷog inta pinondoradak mako in tompot inta moropot.

YESAYA 60:4

Indoiaika onu in nobaḻí kon ḻibumumai; rayat noyosipun sin mobui kon inimu. Ki adímu mita ḷoḷaki in mamangoi nongkon moyayú, ki adímu mita bobay in koyotan.

YESAYA 62:10

Intau in Yerusalem, ḷuaidon mongin bonawang, sadiadon in daḷan kon intau mita inta mobui. Aidaidon in daḷan moḷoben, ḷumbúdon in batunea, posindog in bandera mita kon bangusa mita.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

YEREMIA 30:17

Umpakabí musungmu in moguman, ‘Sion in iḷumbúdon, bo diá in noindoimai,’ tongá moiko in posehaton-Kubí bui, bo kekebmu mita in undaman-Kubí.”

YEREMIA 50:4

Ki Tuhan in noguman, “Kon tungkuḷ intua intau in Israel bo Yohuda in mamangoi bo moyotakin mongombaḷ, motayak kon i-Nakó, ki Allah monia.

YEREMIA 51:12

Ogoiai in tomponuot in monubu kon dinding mita in Babel. Iropotai in poḷoḷukadan. Ogoiai in moḷoḷukad. Posadia in modomok!” Ki Tuhan in nopobayádon kon onu inta sinomayá-Nea kon intau in Babel.

YEHEZKIEL 28:25

Ki Tuhan Inta Totok in moḷantud in noguman, “Sipunon-Kubí in intau mita in Israel nongkon butá mita moyayú kon tampat inta ain pinoporaritan-Ku kon i monia, bo bayongan in bangusa in monotaaudon kon Akuoi in motusi. Bangusa in Israel in mogutunbí bui kon butá monia tontaní, butá inta ain inogoi-Ku kon mogogundoi-Ku ki Yakub.

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

HOSEA 2:2

Ki Tuhan in noguman, “Ei adí-Ku mita, ki inámu in deeman bidon ki buḷoi-Ku, bo Akuoi in deemanbí ki buḷoinea. Tuamai, pelekaradon in sia sinbá sia in dika monuaḻing bo dikadon sumundaḷ bui.

ZEPANYA 3:10

Nodapot in nongkon Sudan inta noyayú, umat-Ku inta noirarit tatua in mamangoi bo moposumba in kuruban kon i-Nakó.

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

ZAKHARIA 8:7

Akuoi in moposaḷamat in umat-Ku nongkon butá mita inta ain pinogakutan kon i monia,

YOHANES 7:35

Dá itoi mita intau Yahudi in nosiḻibóandon, “Mayá in onda degá in Intau tanaa dá diá mouḻí naton in Sia? Degá mayá in Sia kon intau mita in Yahudi inta nogutun kon butá intau Yunani, bo mopoyaput doman in totundú kon intau mita in Yunani?

ULANGAN 32:26

Akuoi in moibogdon moyopú kon i monia komintan, sinbá mosia in diádon kotoropan bui.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

WAHYU 7:1

Nopaḷut mako kon tua, akuoi in nokoontong kon malaekat opat inta sinimindog kon siku in dunia opat. Mosia in nomompon kon tompot inta nongkon siku opat in dunia naa sinbá diádon in tompot mogirup kon toba, kon dagat bo kon kayu mita.