YESAYA 11:11 - Alkitab Singog In Mongondow Masa In Tanaa

¹¹ Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 11:11 Mawu Ofanana

KINOBAḺIAN 10:10

Kon dungkuḷ dodatuannea pinangkoi nongkon Babel, Erekh, bo Akad, toḷu tatua komintan kon Babilonia.

KINOBAḺIAN 10:22

Ki adí mita i Sem in ki Elam, ki Asyur, ki Arpakhsad, ki Lud bo ki Aram.

KINOBAḺIAN 11:2

Naonda in mosia nopobayá kon dotá in pomukaan, mosia nodapotdon kon ḷopá tobatú kon Babilonia, bo nogutun notantú kon tua.

KINOBAḺIAN 14:1

Datu opat: ki Amrapel nongkon Babilonia, ki Ariokh nongkon Elasar, ki Kedorlaomer nongkon Elam, bo ki Tideal nongkon Goyim

KINOBAḺIAN 2:13

Tubig nogindua tangoinea in Gihon; tubignea in moiḻig noiḻibu kon butá in Kus.

DATU MITA 2 17:24

Nobaḻí toḻiu in intau in Israel inta ain dinia kon pinoḷumbúan tatua, ki datu in Asyur nokipogutundon kon kotá mita in Samaria, intau mita nongkon Babel, Kuta, Awa, Hamat, bo Separwaim. Intau mita tatua in iḻimitúdon kon kotá mita tatua bo nogutundon notantú kon tua.

ESTER 10:1

Ki Datu Ahasyweros in nomakisa kon intau mita mogaid, deemanbí tongá kon rayat inta nogutun kon bingkí in pintad inta kon bonu in dodatuan nea, táe kon butábí doman mita inta nongoyayú kon pintad.

MAZMUR 68:22

Notantú bidon kon butukonbí i Allah in uḷu in musung-Nea, intau mita inta umuran noyobiag in dosa.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 10:20

Moiangoibí in wakutunea ki agat in bangusa in Israel inta nokoḷagui in diá bidon mopoandoḷ in ukurnea kon bangusa inta mongongawasa inta gogió momutú kon i monia, táe umandoḷ bidon kon i Tuhan, Allah inta mokudus in Israel.

YESAYA 10:9

Inagowku in kotá mita in Kalno bo Karkemis, Hamat bo Arpad. Inagowku doman in kotá mita in Samaria bo Damsyik.

YESAYA 11:16

Bo kon umat-Nea inta ki agatnea in ogoianbí in daḷan moḷoben sin ḷuaian nongkon Asyur, ná kon tungkuḷ in Israel iḻumuai nongkon Mesir.

YESAYA 19:21

Ki Tuhan in mokipogontongbí kon bangusa in Mesir, bo mosia in monotaaudon bo mosumba kon i-Nia, poḷat doman modia kon kuruban bo sosumba kon i-Nia. Mosia in mopoyaputbí in dandi kon i-Nia takin mongibot bo mogaid kon tua.

YESAYA 19:22

Ki Tuhan in momongkugbí kon bangusa in Mesir, táe mopaḷut mako kon tua Sia in mongundambí bui kon i monia. Mosia in mobuibí mangoi kon i Tuhan, bo Sia in mokidongogbí kon sambayang monia poḷat mongundam.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 22:6

Intau in Siria namangoi kodia-dia in kabaḷo bo kereta in parang, intau in Elam nomaké in puḷu in piot bo piotnea, intau in Kir nosadia kon kaḻeawnea.

YESAYA 24:15

bo intau mita kon dotá in toyopan in modayowbí kon i-Nia. Intau mita inta kon bingkí in dagat in mopoḷantudbí kon i Tuhan Allah in Israel.

YESAYA 37:31

Intau in Yohuda inta nobiagpa in mobiagbí mooyúon naonda bo pinomuḷa inta nodaḷom totok in uakatnea bo nobogoi in bungainea.

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 42:12

Yo mosia in mohoromatdon kon i Tuhan, bo mopotaaudon in tangoi-Nea kon ḻipú mita moyayú.

YESAYA 42:4

Diá in gagawang andeka kobuḻian in kamang, modapot in inta moadil in posindogon kon dunia. Ḻipú mita inta moyayú mokotanob kon totundúnea.”

YESAYA 45:14

Ki Tuhan in noguman kon Israel, “Baḻíbí iko in kitogi bungai in pinomuḷa kon butá in Mesir bo kauntungan in Sudan. Intau mita in Syeba inta mongotorindog nobaḻí kapunyaanmu; mosia in dumuduianmai kon tumimu takin inumantungan. Mosia in tumungkudbí bo mongaku, ‘Ki Allah in totu-totuubí kon yua-yuakmu; diábí in ilah koḻikudbí in Sia!

YESAYA 49:12

Nongkon moyayú umat-Ku in moroangoi, nongkon dotá in utuan, toyopan bo Sinim kon toḷatan.”

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YEREMIA 31:10

Ki Tuhan in noguman, “Indongogai ei bangusa mita! Potaaudon in koyow-Ku modapot kon ḷoḷan in dagat Umat-Ku inta ain pinorarit-Ku in sipunon-Kubí bo biagon naonda bo gombala moḷukad kon dombanea.

YEREMIA 44:1

Ki Tuhan in nosingog kon inakó soaḷ bayongan in intau in Israel inta nogutun kon Mesir, inta kon kotá in Migdol, Tahpanhes, Mempis, bo kon butá kon dotá in toḷatan.

YEREMIA 49:23

Naa in pinoguman i Tuhan soaḷ Damsyik. “Intau inta nogutun kon kotá in Hamat bo Arpad in mogagawang bo moḻia-ḻiaw in gina popisí in nokodongog kon habar diá mopia. Gina monia in moondok bo moitoḻimayang mako naonda bo bokoḷ in dagat.

YEHEZKIEL 27:6

Bobotoimu mita in pinomia nongkon pangkoi mita in kayu moḷoben kon Basan. Taḷogmu in pinomia nongkon kayu ḷokuyú, nongkon ḻibuton in Siprus, ḷambánea in pinomia nongkon gading inta nomahaḷ.

YEHEZKIEL 29:14

Moiko in tompiaan-Kubí bui bo pokipogutunan kon Mesir kon dotá in toḷatan, butámu dungkuḷ. Kon tua aidan monimu in dodatuan inta moyangkó,

YEHEZKIEL 30:14

Sinangkub in Mesir toḷatan in baḻíon-Kubí moingongow totok bo kotá in Soan kon utuan in turubon-Ku. Tebe ki iná in kotá tatua in hukumon-Ku,

YEHEZKIEL 32:24

Elam in kon tua doman takin iḻibu in poḷoḷobongan kon tontaranea mita. Diá sinoit, minatoi in mosia komintan kon pinoparangan, bo noponag kon dunia in intau minatoi. Kon tungkuḷ in nobiagpa, mosia in mokoondok, táe tanaa in minatoidon in mosia bo musti mobaba kon oyá moyotakin in intau mita inta ain minatoi kon pinoparangan.

YEHEZKIEL 38:8

Tongonupamai notaong sia in parentaan-Kudon monubu kon butá tobatú takin intaunea inta ain sinipun nongkon sigad in nobayong in bangusa bo inta kon singgai noiduduimai mogutun kon butá tatua takin moodom. Ki Gog in mongawasabí kon buḷud mita in Israel inta noonggotdon in noingongow bo nopuḻingdon in apug mita, táe tanaa inutunandon in rayat mita inta nobiagdon noodom.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

DANIEL 11:18

Mopaḷut mako kon tua monubu in sia kon bangusa mita kon bingkí in dagat, bo mobayong in taḷowonnea. Táe tobatú itoi kon butá in intau in mopogogaibí in singkuḻe inta inaidannea tatua, nodapotbí in motuḻí kon pinoningkuḻeannea tatua kon inia.

DANIEL 8:2

Kon bonu in oontongon tatua inontongku in awakku in kon propinsi Elam, kon Susan, ibukotá in Persia. Akuoi in sinimindog mako kon diug in Ongkag in Ulai,

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

HOSEA 11:10

Ki Tuhan in noguman, “Umat-Ku in dumuduibí kon i-Nakó aka Akuoi moganggor naonda bo singa bo mopourot kon musung monia. Umat-Ku in ḻimikatbí in mamangoi nongkon dotá in toyopan sin mosumba kon i-Nakó.

HOSEA 11:11

Nongkon Mesir mosia in mamangoi ná koḻikat in ḷagapan, bo nongkon Asyur naonda bo paanan in paḷoma. Bo mosia in diaan-Ku mobui kon baḷoi monia. Akuoi ki Tuhan ain nosingog.”

MIKHA 7:12

Intaumu mita in mobuibí mangoi kon inimu nongkon ondakabí – nongkon Asyur kon dotá in pomukaan, nongkon Mesir kon dotá in Toḷatan, nongkon butá kon Ongkag in Eprat, nongkon ḷoḷan in dagat bo nongkon buḷud mita inta moyayú.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

ZAKHARIA 5:11

Tubagnea, “Pinobayá in Babel, kon tua poposindogan monia in kuil in sia. Aka kuil tatua moḷapatdon, karansi tatua in ukaton kon tua sin sumbáan.”

ZAKHARIA 8:7

Akuoi in moposaḷamat in umat-Ku nongkon butá mita inta ain pinogakutan kon i monia,

ZAKHARIA 9:2

Hamat inta noyosigad in Hadrakh in ki Tuhan doman in kitogi, natua doman in kotá mita in Tirus bo Sidon takin bayongan kototaau in intaunea.

SURAT I PAULUS KON JAMAAT RUM 11:15

Sin mosia ain sinolak i Allah, dá hubungan in intau kon dunia naa takin i Allah in motompiadon bui; apadoman aka mosia in tarimaan i Allah! Tantú tua in notongkaibí in naonda bo intau minatoi inta nobiagdon bui!

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

KORINTUS 2 3:16

Táe aka intau tatua bo mamangoidon kon i Tuhan, yo koḷubung tatua inggamáan bidon nongkon inia.

ULANGAN 9:29

Táe toropdon, o Tuhan, kon mosia naa in bangusa inta piniḻí-Mu nobaḻí umat-Mu, bo dinia-Mu nongkon Mesir takin ropot bo kawasa-Mu inta moḷoben.”